收視報告︳晚市禁堂食效應TVB兩線劇見佳蹟《異搜店》大結局 ...

今年除夕兩台都有直播倒數show，TVB嘅《福佑香港攜手邁向2022》2部分平均收視12.2點，Viu嘅《香港跨年倒數演唱會》就有8.5點，TVB嘅數字同平時播綜藝節目 ... 新年攻略新年添新裝！農曆新年最筍著數優惠新聞專題聚焦可持續性　實踐綠色生活閱讀整篇文章2022年1月11日下午3:38上次提到因為政府嘅防疫限制措施禁止食肆晚上6點後供應堂食，政策生效後嘅首個周末三間電視台收視都錄得上升，估計係少咗人出街食飯令電視觀眾人數上升。

呢次嘅收視報告紀錄「冇晚市」整個星期收視情況，果然三台都受惠。

本身家庭及年長觀眾層面佔優勢嘅TVB，黃金時段普遍節目都有收視升勢。

《愛．回家之開心速遞》星期一至五集數收視由23.7點升到26點（周六周日分別收25.4及25.7點），可以話係重返近年新高。

需知道上月中（12月6－12日）《愛》劇只係收21.4點，相比之下觀眾人數升咗2成有多！而放於「炮灰檔」嘅《異搜店》同樣有驚喜，結局周收視25.5點，將全劇平均收視一下子扯高到22.3點。

根據官方資料，以過去12個月嘅劇集計，《異搜店》排喺第3位，只係輸俾《逆天奇案》同《寶寶大過天》，喺新人＋假期兩大因素下做出好成績，外在因素功不可沒。

值得一提係《異》大結局跨平台直播收視有28點，簡直係台慶頒獎禮水平，亦係近18個月單集收視之冠。

而收埋2年幾嘅《鐵拳英雄》，首周收20.9點，睇落唔錯但以呢個時機同卡士計，應該可以更好。

TVB提供嘅資料指出，《鐵拳英雄》跨平台直播收視有21.7點，係12個月以來9點半劇計排第2。

IT狗ViuTV收視同樣有上升，上周反應麻麻嘅綜藝《玩埋我嗰份》同《演員．門》彈返上慣性收視3點水平，《玩》更加去到3.7。

原創劇《IT狗》網民反應唔錯，加埋有MIRROR三子Frankie、Lokman及Stanley撐場，首周有4.1點，相信仲有得升。

韓劇《哲仁皇后》穩步上揚，亦都有4.1點收視，有點意外。

1月3－9日︳防疫禁堂食造就三台周末收視彈升？《愛．回家》變大贏家12月中嘅收視報告提到，12月19日（星期日）立法會選舉當日，TVB黃金時段節目收視「齊輯輯」咁一致向下，估計係同當日有免費乘車優惠有關。

上周收視報告當中，都有個類似情況足以左右收視。

上星期五起，政府收緊防疫措施，戲院同表演場地要關門14日，食肆6點後冇堂食。

2年前疫情初期都有類似做法，結果因為觀眾個個返晒屋企，嗰排TVB劇《法證先鋒IV》平均收視高達36點，創出呢個近年新高。

先睇周末節目表現就知政策有幾大威力。

《愛．回家之開心速遞》TVB方面，星期六嘅《愛．回家之開心速遞》有23.1點，睇返上個月同時段，《愛回家》收視俳徊喺17－18點左右，即係話上星期六嘅收視比平時高出5－6點。

星期日更誇張，《東張西望》直播收25.9點（跨平台直播26.2點），比前周升4.7點，係一年來周日播出嘅《東張》之中第二高收視。

《愛回家》有24.8點（跨平台直播25.1點）升3.8點，亦創下半年來周日集數收視新高。

接住播嘅《青春本我》同《思家大戰》對上2集分別收大約12及14點，但剛過去周日就有16.1及17.8點，升幅唔細。

膠戰S2唔止TVB，Viu星期六播嘅新城勁爆頒獎禮(4.1點）、星期日嘅《健康要FactCheck》（4.2點）、《ChillClub》(3.4點）及《膠戰S2》(3.8點）都比前兩個周末嘅表現好。

就連平時較少人睇嘅香港開電視，周日嘅節目收視都有4點左右，高過前幾個周末3成以上。

鐵拳英雄第1－5集劇情︳最有睇頭倉底劇有望打破「年頭炮灰檔」宿命照咁睇，下星期三台收視好有機會齊齊有進帳，撞正TVB(《鐵拳英雄》)同ViuTV(《IT狗》）2套新劇齊齊開播，有望締造佳績。

值得一提係，TVB兩套劇上周都有明顯升幅，《異搜店》「拗腰式」升至22.3點，全劇平均有望超過20點，可以話係一洗台慶劇低收嘅頹風。

10集完嘅《愛上我的衰神》亦都升差唔多2點至17.7點，全劇平均收16.8點，以短劇計算唔錯。

反觀Viu上星期一至五黃金時段收視守唔到慣性3點收視，自家綜藝《玩埋我嗰份》同《演員．門》得2.6及2.4點，唔多理想。

12月27日－1月2日︳兩台播《台慶頒獎禮》《叱咤》俱有好成績《愛上我的衰神》僅15.9點譚俊彥Mirror上周（12月27日－1月2日）收視報告焦點係TVB同ViuTV嘅2個直播大show。

1月1日ViuTV直播商台《叱咤樂壇流行榜頒獎典禮》，向來叱咤都係最有睇頭嘅音樂頒獎禮，今年仲要多咗人留意本地樂壇，結果《叱咤》收視高達10.2點，係少數ViuTV得到雙位數收視嘅節目。

《叱咤》翌日TVB亦舉行《萬千星輝頒獎典禮》，直播收視平均26.3點，跨平台收視27.6點，最高有29.1點，係近年少有收近30點嘅TVB節目。

以往兩台對撼總會有人歡喜有人愁，今次似乎皆大歡喜︰TVB以《愛．回家之開心速遞》及電影《拆彈專家》迎戰《叱咤》，收視有16.9點，比起前周播《金枝玉葉2》更好，但係唔見得影響到《叱咤》收視；而Viu喺《萬千星輝頒獎典禮》期間播嘅節目，收視同前周亦冇幾大分別，可以推斷而家因為節目吸引而轉台嘅觀眾越來越少，最多都係「啱睇先睇電視，唔啱睇就上網搵嘢睇」類型觀眾。

繼續閱讀Mirror今年除夕兩台都有直播倒數show，TVB嘅《福佑香港攜手邁向2022》2部分平均收視12.2點，Viu嘅《香港跨年倒數演唱會》就有8.5點，TVB嘅數字同平時播綜藝節目差唔多，反觀Viu嘅成績就高過平時好多，當然又係因為有MIRROR演出啦。

愛上我的衰神︳新人擔正未必係收視毒藥年頭年尾都有好作品？跟手睇返TVB劇集表現，《異搜店》第2周再升至19.7點，表現相當唔錯。

而新出街嘅《愛上我的衰神》就只有15.9點，大約維持到收視大失所望嘅《拳王》16點成績。

好在《愛》係短劇，觀眾唔buy唔緊要反正都byebye，接棒嘅《鐵拳英雄》收視更緊要。

12月20－26日︳《全民造星4》決賽創歷屆新高一度同TVB五五波《拳王》對撼變炮灰全民造星4上周（12月20－26日）收視報告梗係要睇《全民造星4》決賽收視。

今屆賽事觀眾負評多多，認為大會foul人準則「搬龍門」，淘汰多位有潛質於女團發展嘅參賽者，但係收視穩守5.5點左右，比一般ViuTV節目嘅3點收視高得多。

結果決賽收視平均有7.7點，比上屆多1.5點，亦成為4屆以來最好成績嘅決賽。

如果以平均數睇，TVB喺《造星4》尾段、即MIRROR表演及公布賽果期間播出嘅《傑出小童星嘉許典禮》得7.9點，意味Viu同TVB一度打成均勢。

至於當晚TVB用作對撼《造星4》嘅《男神廚房開業喇！》及《拳王》大結局分別收13.2及12.5點。

留意返，上年《造星3》決賽，已離開TVB嘅余詠珊以《衝上雲霄大選》迎戰，收視有18.6點，今年兩者差距進一步收窄，怕且即使《造星》監製花姐開口唔想搞第5季，呢個成績都好難令Viu唔想再取甜頭。

而《拳王》星期一至五收視企穩16點，但全劇平均計得15.3點收視，以台慶劇姿態拿下年度排名尾二，絕對白費張振朗操肌心血。

黃金時段另一檔係新劇《異搜店》，首周收視有19點唔算標青，但以何廣沛搭陳曉華嘅新生代組合，加上奇幻題材，年尾時間有呢個數字算係有交代。

上周日晚TVB出現節目離奇收視下跌情況，今周或受假期影響仍未恢復，《青春本我》微升至12.1點，一度有起色嘅《思家大戰》跌返落14.1點。

12月13－19日︳TVB周日晚收視一致下跌原因係呢個？上星期（12月13－19日）收視報告有個幾有趣現象，幾值得分析一下。

青春本我過去呢個星期日晚黃金時段，TVB節目出現一致性下跌情況。

對比前周（12月12日）收視數字，普遍節目都低收2－3個收視點。

詳見下表︰星期日檔案：13點（－2.8點）東張西望：17點（－4.9點）愛·回家開心速遞：17.3點（－3.5點）青春本我：11.5點（－3.1點）思家大戰：14.5點（－3點）以往大時大節，觀眾出晒街令收視下跌並唔出奇，但係奇在呢個情況只係喺TVB出現。

同晚Viu及香港開電視嘅節目收視，對比前周日冇乜大變動。

唯一可以解釋就係星期日大部份公共交通工具免費，唔少市民「遊車河」出外兼食埋晚飯先返屋企，加上係冬至前嘅周日，唔少人會提早做節，直接影響到TVB收視。

點解Viu同開電視冇變動？可能TVB主打嘅「成熟」觀眾都出晒街囉。

睇埋其他節目表現先。

TVB台慶劇《十月初五的月光》結局周收20.6點，全劇平均收視19.8點，僅僅唔過20點，表現可圈可點。

另一線劇《拳王》終於稍有起色收16點，但未見有突破性反彈即係意味住好大機會坐穩全年收視（倒數排名）亞軍。

ViuTV方面，《全民造星4》最後一周收5.6點，成個節目收視保持平穩，維持喺5.6點左右。

估計今個星期六決賽，直播收視有機會「坐7望8」，唯一隱憂係今季負評多但參加者水準同觀眾緣唔突出，未必太引起觀眾興趣。

12月6－12日︳TVB全周冇節目過22點《拳王》收視再下探勢成年度尾二劇集上周TVB收視情況未如理想，全周黃金時段所有節目當中，冇一個節目直播收視超過22點（約144萬觀看人數）。

需知道上周嘅節目當中，包括2套台慶劇及老牌籌款show《歡樂滿東華》，全部係以往收視保證，似乎反映出大台嘅今非昔比。

先睇台慶劇表現，《拳王》進入第三周仍未挽回頹勢，收視再跌至15.7點。

如果以直播收視計算，恐怕好大機會成為年度尾二劇集－畢竟要挑戰《刑偵日記》整體平均唔過14點嘅成績係幾難嘅。

年青藝員擔正嘅《十月初五的月光》本來不被睇好，但成績反而勝過《拳王》，並且終於「揩到」20點，算係有交代。

周一至五嘅綜藝節目同樣唔多OK，討論疫情嘅《咁大件事點解冇人講》有11.2點，居然高過《麻雀鬥室三決一》嘅9.6點，開頭都仲有13點嘅《讀心專家》跌到10點，而呢個時段已經唔係同ViuTV《全民造星4》對撼。

青春本我而星期日嘅2大主力節目表現各異，《青春本我》第二周得14.6點，TVB亦即刻公布《青》第一周跨平台收視19.1點「沖喜」一下。

扣除第一周直播收視，即係網上收看人數大約有2.3點，呢個數字可以填補各位對整體觀看人數嘅想像。

而《思家大戰》繼續突出收17.5點。

Viu就梗係睇《全民造星4》啦，觀眾對賽果極度爭議之下，收視稍為回軟至5.4點。

今周導師換人，加上進入賽事白熱化階段，會唔會有起色？緊接播放嘅HaveaSweetGym同《歌手．門》最後一周就收視微升至3.7及2.7點。

11月29－12月5日︳TVB慘淡一周《拳王》有力同《刑偵日記》爭年度包尾？TVB公布上周（11月29－12月5日）三間電視台直播收視數據，先睇大台表現……咦！唔多靚喎。

2套正在播映嘅台慶劇《十月初五的月光》以及《拳王》論收視完全冇台慶劇勢頭。

《十》第2周有19.3點，同前周差唔多，台慶劇都冇20點真係要打手板。

《拳王》直情更差，跌至16.1點，如果之後十五集未有起色，好有機會同《智能愛人》爭年度尾二（全劇平均17.4點）……但係同全劇平均13.7點嘅《刑偵日記》比，都仲有好多優勢！另外2套一至五十點半綜藝節目《麻雀鬥室三決一》及《讀心專家》都唔夠12點，比前周跌2點，絕對響起警號。

就連星期日稍有起色嘅《思家大戰》都由前一集19.4點打回原形去返16.8點。

唯一可喜係以《聲夢》學員擔正嘅《青春本我》，星期日首播錄得16.8點，尚算收貨。

且看被盛讚係港版HighSchoolMusical嘅口碑幫唔幫到手。

咖喱被foul，好多人戥唔抵TVB跌收視，Viu反而守得住。

《全民造星4》被觀眾鬧爆foul錯人，演出亦唔夠上季好睇，但收視依然keep到，上周甚至微升至5.7點。

假如Viu慣性收視係3點，咁《造星》應該係5點起錶。

另外2套綜藝HaveaSweetGym及《歌手．門》收視都近乎不變。

11月22－28日︳台慶劇繼續強差人意《拳王》開局排全年尾二《十月初五的月光》都係唔夠20點上周三台收視焦點落喺TVB2套壓軸台慶劇《拳王》以及《十月初五的月光》嘅開播收視之上。

睇新劇成績前，先睇《星空下的仁醫》大結局表現︰《星》上周一播出最後一集，終於衝破20點收視，收22點。

以台慶劇＋雙視帝＋鍾嘉欣回歸之作嘅牌頭，竟然比唔上小品劇《寶寶大過天》、網上一早播完嘅《愛美麗狂想曲》，的確失禮。

咁新劇又如何？翻拍經典嘅《十月初五的月光》首周有19.4點，表現不過不失，但已經係四套台慶劇之中開局表現最好。

以新演員擔正，加上缺乏澳門取景呢個元素，即使唔過20點都算係咁，但要維持落去有難度。

至於有爆肌張振朗同黎耀祥嘅《拳王》就相對失色，頭4集只有16.5點。

今年中TVB公布直播收視以來，呢個首周收視排全年尾二，只係比奧運期間出街嘅《智能愛人》（12.3點)好，頂多都係贏埋只有7集嘅《欺詐劇團》。

上一套《拳王》收視出眾，且看新一套後勁如何喇。

Viu今期梗係睇《全民造星4》收視啦，上周依然有5.5點，同前幾周差唔多，未有受首圈foul走大熱選手嘅負評影響，相信《造星4》已經建立到5點左右嘅穩定收視。

上周有MIRROR成員AnsonKong節目HaveaSweetGym接檔AnsonLo《神的女主角》，首周有3.4點，比《神》結局周跌0.5點。

而11點嘅時段新節目《歌手．門》只有2.3點，莫非電視台音樂節目真係冇咩觀眾捧場？11月15－21日︳TVB台慶24.7點交到貨李思捷竟然係今期收視保證TVB台慶上周收視焦點又落返TVB身上，台慶嘛！《萬千星輝賀台慶》錄得平均24.7點收視，算係近年新高，節目本身冇咩特別綽頭都有呢個數，曾志偉總經理可以過關了。

據知當晚最高收視時段係李思捷主持嗰part，而李主持嘅星期日遊戲節目《思家大戰》，最新一集直播收視有19.4點！當日搵李思捷做主持，普遍都係負評，但係《思》出街之後，收視一路keep到15、16點左右，最近更出現升勢，李一改以往主持風格，似乎觀眾幾受。

《思家大戰》2套台慶劇又表現如何？《換命真相》終於衝過20點，一至五有20.7點，星期日播大結局更有22.2點，不過全劇平均收視依然唔過20點，完全冇過去「台慶劇=收視好」嘅氣勢。

另一套劇《星空下的仁醫》就更慘，上周收視上升但剛好得19.9點，依然唔過20！拉勻平均收視計，《星》好大機會唔過20點，應該只能喺全年劇集收視排名較後位置出現。

全民造星4講完大台就輪到Viu。

《全民造星4》微跌但依然有5.3點，今周開始淘汰賽理應更刺激，但係復活人選爭議太大，可能有觀眾選擇放棄，下個禮拜收視報告可以睇到係咪咁大影響。

而以AnsonLo盧瀚霆做招徠嘅《神的女主角》最後一周稍跌至3.9點，今周接力會有另一鏡仔AnsonKong江爗生主持嘅HaveasweetGym，收視成績算係MIRROR兩位Anson嘅人氣小比併。

11月8－14日︳TVB2套台慶劇仲未破20點《全民造星4》不跌反升上周（11月8－14日）收視報告又嚟啦！先睇TVB，2套台慶劇《星空下的仁醫》同《換命真相》接近結局周，依然未能突破20點收視，《換》比上周升近1點，但仍然只有19.9點；《星》就更慘，未能食住前周升勢，上周反而回落到19.3點。

到底2套之中，邊套最終可以破2？而下一檔嘅《十月初五的月光》同《拳王》，會唔會更慘淡？全民造星IVViu方面，向來《全民造星》嘅第一回合比賽都係考驗各方嘅環節︰近百個參賽者逐個出場，形式又類似，好考觀眾耐性︰錄影由下晝3點去到第二日朝早9點，幕後、評判、參加者同導師齊齊冇得瞓。

《全民造星4》第一周有5.3點，本來預計上周會跌，但係居然反地心吸力微升0.2點至5.5點。

隨住更多話題選手出現，第3周收視估計有望保持。

上次收視報告講起，另外2套綜藝《神的女主角》同《香港秘密搜查官》收視有驚喜，結果上周出現微跌，各自流失近半個收視點。

《神》有4.3點而《香》就有2.9點，後者算係僅僅合格。

下次收視報告，焦點梗係睇《星空下的仁醫》同《換命真相》結局周成績如何，同埋《全民造星4》最後一周個人對決，會唔會趕客呢？11月1－7日︳《全民造星4》收視好《星空下的仁醫》靠口碑反超前兩台大戰冇輸家？上周三台直播收視報告出爐！今次重點梗係睇ViuTV以《全民造星4》、《神的女主角》及《香港秘密搜查官》三套綜藝節目，為TVB台慶月「贈興」嘅成效啦。

結果都幾出人意表，《全民造星4》首周收視5.3點，以Viu平均嘅3點慣性收視計，算係相當突出，對比前一周嘅《賭命夫妻》更加係升咗6成半。

《造星4》收視好都幾合符賽果，亦因此帶動以AnsonLo（盧瀚霆）做主導嘅《神的女主角》有4.7點，一洗前一檔《台灣乜都拜》嘅頹勢。

而以《ERROR自肥企劃》班底「無制限OT編集團」創作嘅《香港秘密搜查官》都有3.5點收視，令上周Viu一至五黃金時段整體成績唔錯。

奇就奇在TVB並無因此出現收視下跌，對正《造星4》嘅《星空下的仁醫》上周升至19.4點，超越另一套卡士無咁強勁嘅台慶劇《換命真相》（19點），可以話係受傳媒口碑推介所帶動，估計加埋7天跨平台收視，升幅會更明顯。

而首周播出嘅10點半節目《男神廚房》有14.7點，比之前同時段2套旅遊節目更好，證明「限廚令」嘅無謂。

而《醫醫，我不想再病了》同之後嘅帶貨節目都冇受影響，即係話多咗人睇電視，和氣收場。

不過《全民造星》系列向來都有個致命傷︰第一回合比賽有九十幾個參加者，雖然今年節目嘗試加快節奏，以1對1比賽增加可觀性，但係呢個階段快極都要播2－3個禮拜，未來2周收視能唔能夠keep住個勢？10月25－31日︳TVB台慶劇微升《東張》播曱甴老鼠橫行收視反升全民造星IV上周（10月25－31日）嘅三台收視報告，真係平淡到難以落筆。

TVB踏入台慶月，今個星期Viu正式出招「贈慶」，晚上9點半起先有王牌《全民造星IV》，10點半有教主AnsonLo（盧瀚霆）有份嘅真人show《神的女主角》，連11點都出動《ERROR自肥企劃》嘅「格仔Mike」作品《香港秘密搜查官》。

咁意味住上星期嘅全線綜藝都步入結尾，但唔代表收視有升勢。

《台灣乜都拜》同《蟲前有10個女仔》本身口碑麻麻，網上亦唔見好多人討論，上周收2.7同2.5點，都可謂跌穿Viu3點嘅慣性收視。

稍為有noise嘅《賭命夫妻》保持水平收3.2點，而全周其他節目收視都欠缺亮點。

星空下的仁醫TVB方面，2套台慶劇首周收視失利。

雖然傳媒都普遍大讚《換命真相》同《星空下的仁醫》有水準，但質素高唔代表觀眾buy，廣告商係睇「數」而唔係睇「素」。

直播收視方面兩劇依然未過20點，《換》有19.2點微升0.1點，《星》有18.9點升幅較大，到底口碑能否帶動收視，就要睇官方公布嘅「跨平台收視」數字。

東張西望上周《東張西望》連播多宗食物及衛生相關報導，曱甴老鼠橫行鏡頭貫穿觀眾開飯時間，但係《東張》收視不跌反升，有20.7點。

雖然升幅唔夠一點，但可能為製作組搵到出路︰觀眾唔怕重口味，仲好好送飯！10月18－24日︳台慶劇失利《星空下的仁醫》《換命真相》首周唔過20點上星期（10月18－24日）三間電視台收視報告公布，重點一定係TVB2套台慶劇《星空下的仁醫》同《換命真相》首周成績如何，結果……唔OK喎！有馬國明、鄭嘉穎、鍾嘉欣等主演嘅《星空下的仁醫》，本來被寄予厚望，點知頭5集直播收視只有18.5點，比起今年較早前播出、收視平平嘅《一笑渡凡間》(19.2點）更不濟。

星空下的仁醫同樣係台慶劇，被睇低半線嘅《換命真相》首周有19.1點，稍勝主角陣容更強嘅《星空下的仁醫》。

2套台慶劇嘅直播收視數字可以話係唔收貨，除非劇集有口碑帶動觀眾翻煲，否則難以有大幅增長。

舉個例，前一檔嘅《我家無難事》首周收約19點，結局周有8號風球「加持」升至22點，由此可見要2套劇收復失地大幅反彈有幾難，或者靠「七天跨平台收視」數字美化一下都得嘅。

換命真相TVB其他節目亦未見有突出表現，新節目《冰島潮什麼》（一至三10點半）守住13點左右；前2周都有颱風帶挈收視嘅《東張西望》同《愛．回家之開心速遞》，上周打回原形，跌至之前的20／21點水平。

蟲前有10個女仔Viu嘅收視都唔見得幾好，前周異軍突起嘅《台灣乜都拜》收2.8點，跌幅有2成半；接力《宵夜燒到過埋夜》嘅《蟲前有10個女仔》更加食唔住前者個勢，得2.5點，比《宵》最後一周流失4成觀眾，似乎要靠11月開播嘅《全民造星4》先有望翻身。

而Viu全周收視之冠就係重播掀起換飛潮嘅《拉闊音樂會風火雷電》，有4.1點。

10月11－17日︳打風再帶挈TVB收視《我家無難事》結局彈升上次嘅收視報告提到，前周嘅星期六晚掛8號風球，令TVB當晚收視有所進帳。

上星期二又係掛8號波，收視又有冇正面影響？TVB公布嘅直播收視報告提到，上星期二嘅《東張西望》同《愛．回家之開心速遞》都因為打風而取得高收視，《東》收27.8點而《愛》就有26.6點，亦都帶動周一至五平均收視升1－2點。

另一焦點係黃金時段劇集《我家無難事》同《把關者們》結局周成績。

2套劇開播後收視疲弱，但係後半段開始穩步上揚，最終《我》最後5集收22點，以全年劇集成績計算不過不失；而《把》一至五收19.5點，星期六大結局收18.5，始終無力突破20點。

台灣乜都拜Viu方面，一至五收視可能都受颱風影響而上升，其中2個新綜藝節目《賭命夫妻》及《台灣乜都拜》算有驚喜，分別有3.3點及3.7點，過咗Viu慣性收視3點嘅水平。

《台》呢類民俗獵奇節目嘅成績可以話少少爆冷，難怪TVBJ2創作總監C君都搞個講鬼節目。

而《宵夜燒到過埋夜》最後5集平均超過4點，足證《空肚講宵夜》3位主持嘅組合的確受觀眾受愛戴，點樣再下一城就要睇Viu嘅創作團隊啦。

10月4－10日︳打風益咗TVB6點半新聞收視今年最高《東張》《愛回家》逾25點上星期收視報告重點，唔在於節目表現，而係星期六打風對各台收視有咩影響！星期六八號波掛足一日，唔少人都留喺屋企，過往打風日子節目收視都會上升，因為冇街去嘛。

而家留喺屋企可以上網睇片，呢個定律有冇改變？《愛．回家之開心速遞》星期六晚TVB《6點半新聞報導》直播收視高達18.5點，成為全年呢節新聞最高收視，比過去4星期彈升近7點，已經見到颱風威力。

而2大皇牌《東張西望》及《愛．回家之開心速遞》收視更加雙雙過25點，比上星期分別高出6及7點，增幅驚人！同樣情況亦發生喺ViuTV，6點鐘嘅新聞報道比前周高一倍有多，《辣王傳》由1.7點升至2.6點，增加5成以上。

至於香港開電視都喺颱風天有所進帳，但未太明顯。

由此可見，打風對電視台嚟講絕對係好事，而觀眾人數上TVB最為得益。

童你一起長大了睇返各節目表現，TVB兩線劇表現好轉，《我家無難事》終於過20點，《把關者們》亦升到18.6點。

星期日嘅《童你一起長大了》稍跌至15點，而《思家大戰》就站穩至16點左右。

膠戰S2Viu方面，姜濤主演嘅劇集《超感應學園》、綜藝《夕陽新丁》及《宵夜燒到過埋夜》收視幾乎不變，而口碑唔錯嘅《膠戰S2》喺星期日10點半時段有近4點收視，已屬不俗，甚至可以突襲TVB《勁歌金曲》（6.4點），喺嗰個時段同TVB打成「五五波」。

9月27日－10月3日︳TVBViuTV新節目有好成績係意料中事？上星期（9月27日－10月3日）電視台直播收視報告，可以話係「意料之內」。

先睇新節目表現，TVB一至五十點半綜藝檔換上《#好掛住日本》同《醫醫，我不想再病了》，星期日就有《童你一起長大了》。

《#好掛住日本》收12.9點，比前檔嘅《煮戰》差，畢竟TVB觀眾層面較為年長，講日本食買玩未必受落。

至於上星期我地都估到會有好成績嘅《醫醫，我不想再病了》收13.7點，比之前嘅《代溝關注組》升1點。

畢竟Viu同開電視嘅日本醫學資訊節目都有好收視，《醫》帶起收視不足為奇。

醫醫，我不想再病了搵返那些年兒童節目主持人重現螢幕嘅《童你一起長大了》有16.2點，比之前嘅《暑假玩到盡》升1點以上。

《童》捉到觀眾想睇久未露面藝人近況嘅好奇心，加上兒童節目的確係成年觀眾嘅集體回憶，估計收視仲有得升。

童你一起長大了話時話，曾志偉總經理一手打造、星期日8點檔嘅《開心大綜藝》，係咪已經當冇件事呢？Viu嘅新節目《宵夜燒到過埋夜》有《空肚講宵夜》主持班底梁祖堯、陳俞希同蔡瀚億，本身《空》已經有口碑先做到8季，加上3個人本身默契好，《宵》收視有3.4點，更勝之前有MIRROR成員主持嘅《幫緊你應援團》，你話係咪意料中事？宵夜燒到過埋夜其他值得一提嘅收視情況仲有TVB黃金時段兩線劇集都稍見回升，《我家無難事》貼近20點，《把關者們》亦衝破18點，不過都只算係合格而已。

而《思家大戰》就出現反彈至15.5點，可能係《童你一起長大了》收視好所帶挈。

9月20-26日︳細台醫學節目有捧場客TVB照跟有原因健康要factcheck健康要factcheck又係睇收視報告時間，有留意開呢個欄目都可能知道，Viu同香港開電視嘅每周收視之寶，並唔係自家製作，而係外購嘅健康資訊節目！睇返上周（9月20－26日）收視報告，Viu嘅晚間黃金時段最高收視節目，係星期日晚嘅《健康要FactCheck》，有3.5點；而香港開電視嘅《健康原因講多D》雖然只有1.9點，但已經係全周第二高收視節目。

醫學健康常識同飲食節目一樣，總會有固定捧場客，難怪TVB今個星期四、五晚十點半會推出健康資訊節目《醫醫，我不想再病了》，務求衝一波收視，唯一隱憂可能係太夜播，銀髮族觀眾都就寢去也！其他節目收視嚟睇，TVB兩線劇集《我家無難事》同《把關者們》播到第2周，仍未能扭轉收視麻麻嘅局面。

《我》有19.1點而《把》有17.4點，直播收視分別微跌0.2及0.4點，除非劇情有突變，否則唔見得呢2套劇會有咩起色。

曾志偉加入TVB8個月，著手改革綜藝節目，尋日仲升職成為總經理。

睇吓呢期嘅綜藝節目，《暑假玩到盡》越走越低唔夠15點；《思家大戰》第一集有驚喜之後亦隨即走樣，星期日嗰集跌到14點附近。

其中一個大刀闊斧改革嘅《勁歌金曲》仲慘不忍睹，由起初嘅12點左右慢慢跌，由9點半調到10點半後就更弱，剛過去星期日嗰集得返5.4點。

根據TVB公布，曾總經理嘅職能會係監督內容營運，包括綜藝、合拍劇同音樂。

更多權力在手之下，總經理會唔會有更創新嘅節目編排呢？9月13－19日︳《我家無難事》《把關者們》收視遜預期姜濤AnsonLo微微谷起《超感應學園》收視TVB公布上周（9月13－19日）三個電視台直播收視，上星期TVB同ViuTV合共有3套新劇開播，一齊睇吓成績如何。

把關者們．劇情︳21年來再有海關劇袁偉豪黃智雯王敏奕夠唔夠孭飛？本來估計TVB以家庭倫理劇《我家無難事》紀律部隊劇《把關者們》排陣，2款都係TVB擅長嘅劇種，又唔似《刑偵日記》玩創新玩到入唔到屋，有望秉承《七公主》同《智能愛人》嘅勢頭。

點知2套劇開播成績都未如理想，《我》有19.3點，比起《七公主》平均21點、啟播20點有少許落差。

而《把》首周嘅17.8點，頂多貼近《智能愛人》平均17.4點成績，但係《智》首周因讓路俾奧運節目而推遲至10點15分播出，收視被拉低至12.3點，先至得到呢個平均數，如果同奧運前嘅9點半劇集比較，就顯得有啲疲弱。

我家無難事︳原名有敏感詞要改？影后視后同台馬德鐘父子檔上陣有睇頭而Viu播由MIRROR成員姜濤及AnsonLo合演嘅台劇《超感應學園》，首周有3.3點，比前一周嘅韓劇《逆轉時機》只係多0.3點。

配音劇加上只有6分1隊MIRROR嘅演出，似乎未必幫到收視。

另一個由Lokman、Tiger、Alton同Frankie分別主持嘅《幫緊你應援團》，就同前周一樣保持3點收視。

值得一題係，周六晚上嘅各台收視情況。

有分析認為當晚有林作對決鍾培生嘅話題拳擊賽，因此影響收視。

睇返當晚TVB播嘅《杜麗莎的音樂沙龍》、《教煮爭霸》同《我要做業主2》，收視分別係12.4點、12點及9點，同前周嘅2線劇大結局比當然差得多，呢個數字對比一個月前嘅聲夢學員演唱會都跌1點左右，只係好過前周定位模糊嘅《兒歌金曲Summerfest》。

反觀Viu播放紀念哥哥張國榮嘅電影《金玉滿堂》，取得4.7點收視，更勝前周有MIRROR＋ERROR助陣嘅《水著考有Feel》。

到底TVB星期六跌數，係因為「林鍾一戰」吸走收視，定係寧願觀眾轉台睇哥哥，又或者大批市民出外提早做節先搞成咁？最後一個焦點︰頭2集收視唔錯嘅《思家大戰》，相隔一周後大跌2點至14.8點，李思捷係時候要諗諗計喇。

9月6－12日︳港姐決賽收視最高逾27點《七公主》《智能愛人》結局周微跌上周收視報告重點都係喺TVB度，因為有港姐決賽兼2線劇集《七公主》及《智能愛人》結局，反觀Viu嘅節目就未見有好大話題性。

先講港姐，決賽當晚直播收視24.5點，跨平台平均收26.1點，最高有27.4點，可以話係今年以來綜藝節目成績最好嘅一次。

畢竟請到張學友壓陣的確有叫座力，加上今年佳麗水準唔錯，實力亦夠平均，有返以前睇港姐嘅感覺，難怪多人睇。

同時段Viu嘅節目收視亦應聲下跌，向來係鎮台之寶嘅《健康要FactCheck》大約有3.5點，同港姐對撼之下得返2.5點，而ChillClub就更慘，得返1.5點。

七公主劇情︳女角主導家族恩怨劇邊個姐仔脫穎而出？過往劇集去到結局周都會收視反彈，不過本來成績唔錯嘅《七公主》同《智能愛人》反而臨尾回軟。

《七公主》一至五晚收21.4點，比上周少半點；《智能愛人》就收18.4點，跌近1點。

至於星期六晚結局篇，《七》有21.2點而《智》有19.3點，算係少少跌眼鏡。

下一檔嘅《我家無難事》同《把關者們》都係TVB擅長拎收視嘅劇種，下星期就可以知道大台部署係咪成功。

幫緊你Viu一至五焦點嘅綜藝節目呢期sell溫情味道，《甜爺爺》同前周差唔多有3點，接力《七救星》嘅《幫緊你應援團》未能食住個勢都係收3點。

至於出動ERROR同3分1隊MIRROR嘅《水著考有FEEL》有3.6點，比起前周同時段嘅《力圖打排球》跌1.5點。

如果將《水》放星期日播，可能會比較上守得住收視。

8月30－9月5日︳TVB收復奧運失地Viu再靠MIRROR食糊上周（8月30－9月5日）三台收視成績公布，對TVB而言可以話係大半年來稍為值得慶賀嘅一星期。

《思家大戰》兩線劇集《七公主》同《智能愛人》繼續有升勢，《七》有近22點而《智》亦微升至19.2點，算係今年少數2套劇都有唔錯收視嘅情況。

煮食真人show《煮戰》都有增長至14.3點，證明解除「限廚令」係明智之舉，只要唔係清一色烹飪節目，觀眾絕對受落。

大台今年試咗唔少綜藝節目，不過除咗《聲夢傳奇》，大部份都食唔住個勢。

估唔到被睇低一線嘅《思家大戰》，今個星期直播收視只係微跌0.1點。

TVB仲特意公布埋《思》第一集（前周）跨平台收視有19.5點，以李思捷嘅觀眾緣嚟計算係有交代。

而《暑假玩到盡》都彈升至17點。

不過都唔係個個節目有睇頭嘅，《代溝關注組》就跌近一點至12點，星期六晚嘅《兒歌金曲Summerfest》更慘只得11.7點，大概係近年籌款show嘅水平。

《代》好似睇住班長輩廢吹，冇咩吸引力；《兒歌金曲》究竟係想俾家長睇，定係一班唔聽電視台兒歌嘅細路睇呢？力圖打排球Viu上周焦點係MIRROR成員孭飛嘅《力圖打排球》，喺星期六晚取得5.1點成績。

畢竟《力》齊集AnsonLo(盧瀚霆）、Edan（呂爵安）同Ian（陳卓賢）3大人氣隊員，對家又出兒歌節目讓半臂，成功搶灘。

而《七救星》最後一周升至4.2點，以Viu嘅水平絕對收貨，亦意味住七師傅同Viu會有更多合作。

8月23－29日︳《七公主》越升越有《思家大戰》有驚喜李思捷搣甩乞人憎之名？七救星上星期（8月23－29日）收視報告，先睇Viu嘅成績，四個字「保持平穩」。

Viu嘅焦點節目往往係一至五十點半後兩線綜藝，上周播嘅《AH佛真．惜玩》同《七救星》同前周收視相若。

《七》即使有網民口碑加持，但都係keep住喺4點左右。

對比早前嘅《調教你MIRROR》甚至《大叔的愛》，估計如果冇MIRROR做賣點，Viu嘅節目收視基本盤大約有2－3點左右。

嚟緊會出街嘅《力圖打排球》同《水著考有Feel》應該可以測試呢個推算。

七公主劇情︳女角主導家族恩怨劇邊個姐仔脫穎而出？TVB就開始擺脫被奧運拉低收視嘅狀況，兩線劇之中《七公主》微升至21點，隨住劇情開始緊湊應該仲有得上；《智能愛人》再升多1點至19點，李佳芯被盛讚有視后級嘅演出可能係因素之一。

綜藝方面，一至五十點半拆成2個節目，一至三嘅《煮戰》係TVB放寬「限廚令」之後首個煮食真人show。

對比之前多個同時段綜藝大約10－11點收視，《煮戰》首周有13.7點收視算係唔錯。

星期四、五嘅《代溝關注組》都有12.8點，但係觀乎節目話題嘅迴響，估計下周未必keep到。

另一個焦點放喺星期日《思家大戰》之上。

雖然主持李思捷觀眾緣麻麻，但新登場遊戲節目總會有捧場客試睇，收16.8點可以話係有驚喜。

《思》喺北美地區係長壽節目，如果問題再精準抵死啲（例如第一集就問「講出一個李思捷最乞人憎的地方」），李思捷又會調節主持風格的話，《思》可能比《開心大綜藝》更值得長線發展，亦可以幫李思捷搣甩乞人憎嘅標籤。

8月16－22日︳TVB同Viu收視全靠「七」字？港姐準決賽成績突出TVB公布本地三間電視台上周收視報告，唔講咁多即睇重點！七公主劇情︳女角主導家族恩怨劇邊個姐仔脫穎而出？TVB今年黃金時段劇集表現麻麻，大半年來得《逆天奇案》稍為多人睇，而今期播放嘅《七公主》收視有驚喜，第2周直播收視有20.8點，連同跨平台點擊估計有24點，比起被視為新一代收視救星李佳芯主演嘅《智能愛人》（上周17.9點）更好。

即使唔少人對於《七》女主角黃翠如表現大有意見，但係呢類恩怨情仇劇不嬲有市場，如果卡士更有驚喜唔搵「親生女」的話，絕對有望跑出。

七救星無獨有偶，Viu都係靠「七」字撐起收視。

之前多數做節目嘉賓嘅七仙羽師傅，今次孭飛首度主持《七救星》。

雖然節目排喺11點播，但係師傅吸引力唔講得笑，首周收視有3.8點，對比前周同時段大賣女嘉賓身材嘅《海陸勁技場》（2.6點）多近一半人收睇，亦比起早半個鐘播、許廷鏗主持嘅《AH佛真．惜玩》（上周收視3.5點）更好。

收視報告︳TVB同Viu收視全靠「七」？港姐準決賽成績突出上星期TVB一至五有港姐真人showWeMissHONGKONGSTAY-cation／WeMissHONGKONG冠冕繼承者，收視分別有10.6及8.8點，未見突出；但係星期日嘅準決賽就有18.6點，最高仲去到19.9點。

TVB喺報告入面特別打星星標明，呢個成績係比奧運前4個周日同時段節目（《盛舞者》、2集《明星運動會》同《欺詐劇團》大結局）躍升5.1點。

睇返成日被形容為創新但成績慘不忍睹嘅《刑偵日記》，仲有各式新嘗試嘅綜藝節目，似乎TVB嘅觀眾對呢一波嘅新風格節目唔太受落，恩怨情仇劇同港姐呢類傳統嘢，先係佢地杯茶？－－－－－－－－－－－8月9－15日︳《七公主》救亡幫到手Viu同開電視奧運後打回原形上周（8月9－15日）收視報告紀錄奧運後各台成績，TVB雖然喺奧運節目上仍然取得全港6成以上收視，但係其他節目全面拖低，《刑偵日記》甚至成為多年來成績最差黃金時段自家劇。

奧運過後，有冇起色？上星期首播嘅《七公主》直播收視平均有20點，以TVB5月底公布直播收視嘅成績嚟睇，呢個數字唔算標青︰同樣係以直播收視計算，之前播嘅《一笑渡凡間》首周有19.2點，《寶寶大過天》有22.5點，《七》只係比《欺詐劇團》同《刑偵日記》優勝。

觀乎《七》呢種恩怨情仇劇，觀眾應該幾buy，估計之後收視有望上升。

而另一線劇《智能愛人》有17.5點，比起奧運嗰陣早咗大半個鐘播（由10點15分提早到9點半），收視亦都大升超過5點。

以近年水平計當然未算最好，聞說坊間對套劇反應唔錯，同樣有機會後上。

綜藝節目方面，港姐真人showWeMissHONGKONGSTAY-cation有10.7點，WeMissHONGKONG冠冕繼承者就得9.6點。

10點半綜藝時段試咗唔同種類節目，成績都未如理想，難怪TVB要放寬「限廚令」，下星期出街嘅《煮戰》收視值得關注。

至於玩水節目《開心大綜藝之暑假玩到盡》有15.8點，仍未重返《開心大綜藝》開播嘅2字頭。

AH佛真．惜玩對ViuTV而言上個禮拜係「見真章」嘅一周，因為係2個幾月以來冇MIRROR成員擔綱現身一至五黃金時段。

由許廷鏗主持嘅《AH佛真．惜玩》有3點，算係不過不失；玩「獎門人」式水上競技嘅《海陸勁技場》得2.6點，有晒養眼女嘉賓搏命show身材都比唔上《阿女又戀嚟》同《積極到爆》，可能因為Viu觀眾唔多想睇到同大台形式近似嘅節目。

至於開電視嘅收視同奧運前差唔多︰一至五黃金時段普遍唔夠2點，《空間改造王》同《健康原因講多D》仍然係台柱。

8月2－8日︳《刑偵日記》全劇平均唔夠14點破開台紀錄《智能愛人》輕微挽救劣勢上星期（8月2－8日）收視報告公布，繼續有2個焦點︰TVB劇《刑偵日記》同奧運節目成績。

上周一播出大結局嘅《刑偵日記》終於停住跌勢有11.7點收視，比前周平均10.2點明顯反彈。

不過全劇平均收視大約13.8點，好大機會係TVB開台以來一至五黃金時段播放自家製劇集中最低紀錄。

過往只有周末播放嘅劇集先會見到呢個數字，例如2008年嘅《盛裝舞步愛作戰》（星期日晚11點播放，平均14點）、2007、2014及2016年嘅《廉政行動》（平均17點）或者2019年嘅《機動部隊2019》（平均14點）。

智能愛人︳李佳芯演智能機械人救唔救到TVB收視低潮？至於接力嘅《智能愛人》，搵新一代收視救星李佳芯(Ali)出手又得唔得？頭4集成績係12.3點，當然唔算理想，不過遷就奧運而放喺10點15分播放，應該未見真章，今個星期調返去9點半時段之後，應該可以反映真實收視。

奧運直播時段方面，三間電視台上星期一至六晚間直播收視當中，TVB大約佔6成左右（一至五13.8點，星期六9.8點），而Viu及香港開電視嘅差距收窄，一至五兩台收視差不多係3.5點，可能係坊間對開電視評述有正評，令唔睇TVB嘅觀眾由Viu轉去77台。

TVB亦公布星期日晚奧運閉幕禮各台收視，無線翡翠台及財經資訊台合共取得6成7收視（翡翠台16.2點、財經資訊台3.9點）；Viu有MIRROR出動收5.6點，佔19％；有線合共錄得4.1點（開電視收視4點）。

7月26日－8月1日：《刑偵日記》險守10點收視播奧運對TVB有冇著數？今次收視報告相對簡單，因為三個電視台黃金時間都係直播奧運賽事，下面個表可以睇到各台奧運節目平均收視︰頻道＼收視星期一至五星期六星期日TVB1412.712.6ViuTV4.75.44.2開電視2.51.94.2體壇盛事當然要跟到足，不過對TVB而言，一至五黃金時段14點嘅收視成績，反而比以劇集＋綜藝嘅排陣遜色。

更慘嘅係由於要遷就賽事，收視台柱《東張西望》同《愛．回家之開心速遞》都跌至15點或以下，比平時穩收20點少成4分1。

張家朗金牌戰有近210萬觀眾於電視直播收看不過上星期幾場奧運焦點賽事，包括張家朗奪金嘅男子花劍決賽、何詩蓓奪銀牌嘅女子100米自由泳決賽、中國對中華台北嘅女子羽毛球單打決賽，TVB都穩佔超過6成收視。

其中張家朗奪金之戰，TVB收20.2點，Viu有8.9點，而開電視有2.9點。

雖然呢場比賽Viu嘅收視更勝《大叔的愛》，但係論比率仍然由TVB大幅領先。

另外，唔少觀眾都大讚開電視奧運節目評論最專業，連帶星期日晚嘅直播收視都同Viu打成平手，值得鼓舞。

收視節節下跌嘅TVB劇《刑偵日記》，一如所料因為延至10點15分播而影響收視，結局周只得10.2點，險守雙位數。

雖然大結局星期一先播，但綜觀全劇每周平均直播收視只有13.8點，即使計埋跨平台收視都應該好大機會成為今年包尾，甚至係近5年最差。

Viu喺奧運期間繼續推綜藝節目，《阿女又戀嚟》保持平穩有3.8點，新節目《積極到爆》有3.6點，成績尚可。

7月19－25日︳TVB奧運開幕禮擸7成2收視《刑偵日記》跌到11.4點或成墊底劇收視報告︳TVB奧運開幕禮擸7成2收視《刑偵日記》跌到11.4點或成墊底劇上周收視報告重點一定係奧運節目表現，畢竟播嘅內容大同小異，正正顯示到各台基本觀眾有幾多。

星期五晚嘅開幕禮，TVB平均取得14.2點直播收視，搵MIRROR同ERROR撐場嘅Viu有5.3點，至於開電視就有1.3點。

根據CSM媒介研究公布，計算全港直播開幕禮嘅頻道整體收視＜TVB翡翠台及J2、Viu（99台）、開電視及國際財經台＞，72％觀眾選擇收睇TVB。

所以即使同日嘅屯門商場Viu宣傳活動幾咁墟冚，TVB嘅影響力仍然不容忽視。

至於周六日黃金時間賽事直播，TVB收13點（周六）及11.6點(周日），Viu收4.1點（周六）及3.7點(周日），開電視收2.2點（周六）及2點(周日）。

對TVB而言奧運直播收視比自家綜藝節目差少少，但對Viu及開電視而言就算係唔錯。

收視報告︳TVB奧運開幕禮擸7成2收視《刑偵日記》跌到11.4點或成墊底劇由於《寶寶大過天》播完，又無理由8點半時段喺奧運前播新劇，TVB將上星期一至四改以綜藝節目主打，星期一晚《聲夢傳奇》決賽收23.9點算係驚喜，不過其餘幾晚嘅節目就麻麻，只有食住《聲夢》餘勁嘅《傳奇誕生》有17.1點較好，《明星運動會》及《全城迎奧運》只有14.3及11.5點。

而本身收視麻麻嘅《刑偵日記》因為讓路俾奧運，調至10:15分先播，果然一如所料影響收視，再由前周14.2點跌至11.4點，下星期有可能跌至接近10點歷史新低，亦好大機會會成為全年收視墊底劇。

Viu方面，《大叔的愛》同《納米無明火》播完，接力嘅《大叔的愛》日版及《名女又戀嚟》都有約4點收視，算係保住基本盤。

7月12-18日︳《大叔的愛》結局破紀錄《刑偵日記》再跌得返14.2點《大叔的愛》大結局上周收視報告焦點梗係睇ViuTV《大叔的愛》結局篇成績如何，同埋打對台嘅TVB《刑偵日記》能否止住跌勢，結果果然唔意外。

《大叔的愛》第3周收視有7.9點，係5月底公布直播收視以來Viu嘅最高紀錄。

全劇播出3周收視都拾級而上，如果Viu公布埋包括網上重播嘅跨平台收視，可能會更有驚喜。

相反《刑偵日記》就連跌3周，最新直播收視係14.2點，相信TVB內部都會唔多滿意，估計計埋跨平台收視可能都係貼近20點，以惠英紅、姜皓文同王浩信呢個卡士，呢個成績更加唔「靚仔」。

而TVB擅長嘅小品式劇《寶寶大過天》結局周平均有22點，全劇平均就有約22點（直播收視），加埋跨平台收視的話，以今年計已經算唔錯。

TVB銳意創新但觀眾唔領情嘅例子仲有《盛．舞者》。

一至五十點半嘅收視由10.3降至8.6點，星期日決賽收視得12.3點，比前周《明星運動會》大跌近5點，拖累隨後嘅《勁歌金曲》都失守10點收視得8.8點。

至於進入決賽前最後一集嘅《聲夢傳奇》就突破17點水平，上星期有18.2點，估計決賽收視有望超過20點。

由《擊戰》衍生嘅音樂特備節目《夏日有團伙擊戰一場》或者受《聲夢》影響，收視只有1.7點。

而《納米無明火》受《大叔的愛》及口碑帶動下，上周收視升至5點，比《調教你MIRROR》最後一周更好，果然講住屋嘅節目係有保證；至於另一套一至五綜藝《生存演技派》微跌至2.7點。

今個星期TVB配合奧運而將一至四黃金時段播放綜藝，《刑偵日記》就調至10點15分先播，睇怕收視有機會再向下。

而Viu就有日版《大叔的愛》接力港版，再加些少港版演員訪問嘅SP，未必能再下一城。

7月5－11日－《刑偵日記》再跌得15.5點《大叔的愛》再創新高《刑偵日記》TVB公布咗上星期（7月5－11日）嘅收視，對大台嚟講成績可謂乏善可陳。

先講下唔少傳媒大讚、但係網上唔算多人講起嘅《刑偵日記》，第2周直播收視再跌至15.5點，比上星期跌2點。

自從5月底TVB公布直播收視以來，《刑偵日記》暫時成績算係最差。

據知《刑》第一周跨平台重溫收視有20.5點，換言之比直播收視多3點，假如呢個數冇變，第2周連同跨平台收視只有18.5點，隨時比今年包尾嘅《大步走》更差。

相反《寶寶大過天》繼續保持平穩有22.1點，應該順利過關。

綜藝方面，接檔《識貨》10點半時段嘅《盛．舞者》未能承接收視，比前周跌2點至10.3點。

《明星運動會》大致相若有17.1點，反而口碑不俗嘅《單對單》收視逐級落，上周第3集只有12點。

《大叔的愛》至於Viu，焦點固然係《大叔的愛》，第2周收視再升半點至6.9點，係公布直播收視以來Viu嘅最高成績。

預計下星期結局篇應該仲有得去，加埋跨平台收視可能過10點。

上周開播嘅《納米無明火》出人意表地有4.5點收視，比之前嘅《嫌疑事件簿》高出1點。

而11點時段接《調教你MIRROR》嘅《生存演技派》有2.9點，冇咗《調》嘅粉絲效應，跌數可以預期。

Viu同香港開電視嘅健康同樓盤資訊節目繼續扮演鎮山之寶，Viu嘅《健康要FactCheck》有3.7點係周日晚間最高收，開電視《空間改造王韓國篇》同《山旮旯睇樓團》都係周末高收節目。

TVB與其參考其他地方嘅綜藝節目，倒不如先將J2王牌《安樂蝸》調出翡翠台啦。

6月28日－7月4日︳《大叔的愛》吸一倍收視超強卡士《刑偵日記》首周仆直上星期三間電視台嘅收視成績揭盅！最多人想知嘅應該係ViuTV同TVB嘅新劇大戰，第一周到底鹿死誰手？有惠英紅、姜皓文同王浩信孭飛嘅《刑偵日記》，睇牌面點都唔輸蝕俾暫時最高收視嘅《逆天奇案》，不過首周收視令人大跌眼鏡，只有17.5點，比上星期嘅《欺詐劇團》好少少。

由於TVB5月下旬開始只係公布直播收視，難以同之前嘅跨平台收視作比較，不過估計連同網上及其他收看渠道，《刑》開播成績最多都係接近20點，實在出人意表。

當播到第3周嘅《寶寶大過天》都有21.5點，你就明白《刑》個勢有幾危。

《大叔的愛》相反《大叔的愛》就有6.4點收視，比之前報導所講第一集有8點收視有差距，但係以Viu平日黃金時段成績計算，已經係突飛猛進，比起上周同檔嘅《造美人》更加係多咗一倍。

另一條戰線10點半綜藝檔，TVB嘅《識貨》有起色升到12.3點，而Viu嘅《嫌疑事件簿》都出現反彈有3.4點。

至於最後一周嘅《調教你MIRROR》亦回升到4.5點埋個靚尾。

周末綜藝方面，《聲夢傳奇》繼續保持17點收視，同時段Viu嘅《造美人總決賽》有4.3點，比前周播電影《麥兜故事》嘅收視更好。

周日TVB以《明星運動會》頂替《開心大綜藝》，有16.9點收視，算係回一回氣。

6月21－27日《調教你MIRROR》繼續跌《欺詐劇團》收視暫列全年包尾今次收視報告先睇TVB情況。

一至五黃金時段有2個新節目出街，一星期播晒嘅《欺詐劇團》承接收視麻麻嘅《一笑渡凡間》。

上年TVB推出《香港愛的故事》有口碑有收視，觀眾對短劇有所期待，加上陣容同故事有新鮮感，本來以為收視唔錯，點知直播收視率只有15.6點，星期日2小時大結局得14.8點。

估計連同網上平台收視，都可能唔及《大步走》，成為年度收視墊底劇。

至於8點半嘅《寶寶大過天》收22.4點，同前周差唔多。

另一個新節目《識貨》就略略挽回前一檔《死因有可疑》嘅收視，有10.6點當然唔算好，更值得正視係將晚間新聞推遲至11點15分之後，拖累新聞收視下跌，似乎大台要考慮係咪繼續要咁編排。

星期六播嘅《聲夢傳奇》收17點，大致維持水平，而訪談節目《單對單》反而有驚喜，有13.5點。

呢類節目TVB做唔少，會唔會考慮將J2嘅MeanTalk搬過翡翠台播？（係嘞，點解MeanTalk呢個名同風格，同YAHOOTV做咗3年嘅《Mean傾》咁似嘅？）Viu方面今周有啲疲態，《調教你MIRROR》第3周收視再跌至3.8點，比起首周5.4點少左差唔多3分1，或者因為剪接編排令節目冇咩追看性，而且觀眾期望睇到更多「鏡仔」真情剖白，點知除咗AK同Jer道歉嗰集比較入心之外，其餘都係似綜藝多過真人show，難怪觀眾放棄。

同TVB對撼嘅《嫌疑事件簿》進入第2周，收視由3.6點下跌至2.2點，相信呢類「燒腦」節目仍未為觀眾接受，又或者同箇中橋段未夠精準有關。

「鎮台之寶」《健康要FactCheck》有3.7點，保持平穩。

至於香港開電視收視仍然乏善可陳，《空間改造王》繼續係全周最高收，有4.1點。

其餘節目都係1－2.7點左右。

下星期收視報告焦點係TVB嘅《刑偵日記》大戰Viu《大叔的愛》，有惠英紅同姜皓文助陣嘅《刑偵》，能否超越《逆天奇案》成為今年收視之冠？《大叔的愛》又可唔可以帶起Viu成個黃金時段？6月14－20日︳推理節目對撼兩敗俱傷TVB《死因有可疑》10點都冇今個星期直播收視報告焦點，自然係TVB同ViuTV同時段推出同類推理綜藝節目，到底邊個贏邊個輸。

答案係大家都輸！TVB嘅《死因有可疑》只有9.5點，對比前一星期跌咗近2點。

以大台10點半綜藝節目嚟講，可以話係強差人意。

俾個參考數字大家，之前以疫情生活為題材嘅《500日後》同《我在隔離的日子》，分別有11.4及12.7點，呢類小品題材反而比更花費人力物力嘅推理綜藝更好成績，都幾跌眼鏡。

至於Viu嘅《嫌疑事件簿》就有3.6點，比起上一檔嘅《中女唔易做》都跌咗3分1。

不過由於首周成績唔錯嘅《調教你MIRROR》上星期都跌一點收4.4點，《嫌》或者都係受拖累影響成績。

但係2個台由本身耍家嘅模式，轉去拍新嘗試嘅推理綜藝結果反應麻麻，唔止節目質素同韓國、內地嘅比較後立見高下，觀眾口味都係值得留意嘅因素。

另一焦點係TVB新劇《寶寶大過天》，首周收視22.5點，估計連同網上收視大約有24點，算係不過不失，對比前一檔戰績彪炳嘅《逆天奇案》當然比下去啦。

第二線劇集《一笑渡凡間》結局周收視18.7點，同上周差唔多，相信整體平均收視同反應麻麻嘅《大步走》差唔多。

反而剛過去周日TVB黃金時段收視有返起色，《東張西望》同《愛．回家之開心速遞》重返20點以上，《開心大綜藝》升2.3點貼近18點，《勁歌金曲》亦都多咗18萬人收看。

ChillClubANewStageViu方面，星期六晚播、有Serrini、林二汶、GinLee、姜濤、林家謙、陳卓賢(Ian)演出嘅ChillClubANewStage有2.9點，比前一周播歐洲國家盃賽事為低，亦對同時段嘅《聲夢傳奇》只有少許威脅。

《聲》收16.6點跌半點。

6月7－13日－《調教你MIRROR》帶挈收視升一倍《一笑渡凡間》繼續疲弱TVB公布上星期三個電視台嘅直播收視報告，我地逐個台講下先！先睇Viu，上個禮拜有萬眾期待嘅《調教你MIRROR》開播，果然不負眾望，收視有5.4點，比起上一檔由金剛主持嘅《掃街達人》升一倍；連帶排喺《調教你MIRROR》前面、10點半播嘅《中女唔易做》，都多咗一倍觀眾，甚至險勝《調》有5.5點，成為全周收視之冠。

另一個綜藝節目《造美人》反應都唔錯，有3.2點收視，比前一檔嘅韓劇《優雅的朋友們》高出近一倍。

而上星期六直播歐洲國家盃賽事都有3.4點收視。

香港開電視上周收視同前周比差唔多，周一至五黃金時段收視維持喺0.3-1.6點左右，周末嘅外購節目繼續係收視保證，《健康原因講多D》同《空間改造王》分別有2.8及4.1點。

至於TVB，上星期進入結局周嘅《逆天奇案》有24.9點，相信加埋網上串流數字，應該會係今年暫時最高收視劇集。

月尾播嘅《刑偵日記》有輥英紅加王浩信呢個視帝視后組合，有力挑戰寶座。

另一線劇集《一笑渡凡間》開擋以來直播收視都過唔到20點，上星期再跌半點至18.6點，可能會同《大步走》力爭今年包尾。

今年大台力谷嘅綜藝節目，《開心大綜藝》休息一周之後未有起色，收視再跌至15.6點，比起前周由《好聲好戲》學員配音嘅西片《侏羅紀世界》更差。

多得參加者比賽片段引起收睇意慾﹐開始多人談論嘅《聲夢傳奇》收視升1點到17.1點，似乎漸入佳境。

下個禮拜可以留意，TVB同Viu2個正面對撼嘅查案節目，到底收視如何。

被指節奏緩慢嘅《調教你MIRROR》，進入第2周又能唔能夠再上一層樓？———————————————————5/31-收視報告4大改動Viu播《英雄本色3》最多人睇《一笑渡凡間》開播唔過20點以往TVB都係隔個禮拜先公布收視成績，殊不知今個星期開始，公布嘅資料有幾項大改動－1）加入ViuTV及香港開電視嘅收視成績2）只係計算直播收視資料，冇包括各頻道於家外媒體及網上平台7天收視3）剔除澳門收視4）公布剛過去一周節目收視，而唔係前周最新一份收視報告紀錄5月24至30日成績，5月10－23日嘅數字就未有公布，撞正呢段時間播放嘅ViuTV人氣節目《ERROR自肥企劃》就難以得知收視。

先講Viu同開電視表現，Viu全周最高收視係星期六播嘅電影《英雄本色III夕陽之歌》，有4.7點收視。

另一高收節目就係外購嘅《健康要FactCheck》，有3.8點；至於旗艦音樂節目ChillClub就有3.2點排第3。

向來星期一至五收視會比周末高，但係Viu平日嘅綜藝節目反而被比下去，《中女唔易做》同《掃街達人》分別有2.3及2.7點，而用作對撼《囝囝女女730》更不足1點。

TVB副總經理曾志偉曾經話Viu收視得4點，只可以同J2相比，睇嚟此話不假。

但係上星期並冇Viu嘅風頭躉MIRRORERROR嘅節目，下星期《調教你MIRROR》出街可能又會有唔同局面。

開電視方面，黃金時段節目普遍唔超過3點，最高收視節目係星期日晚播放嘅外購節目《空間改造王》，有4.4點。

而同Viu《健康要FactCheck》類似嘅日本節目《健康原因講多D》有2.9點，都係稍為多人收看嘅節目。

至於TVB，上周首播嘅劇集《一笑渡凡間》有19.2點，估計加埋網上收視成績都唔算突出；另一線劇《逆天奇案》第4周收視23.1點，對比首周總收視26.2點有所下跌。

《開心大綜藝》有17.6點，《勁歌金曲》有12.1點，相信總收視都唔會有太大驚喜。

因為唱《一事無成》「鼓勵」失業人士嘅慈善show《萬眾同心公益金》有13.7點，唔係有呢個「安排」可能都唔多人留意個節目。

——————————————5月3－9日︰陳展鵬3年來首套新劇造就《逆天奇案》首周高開陳展鵬新劇《逆天奇案》賣點竟然係客串陣容雙影后加視后仲有呢班稀客5月首周收視出爐！呢個禮拜最大亮點係陳展鵬同黃智賢主演嘅新劇《逆天奇案》首周成績。

可能因為係煎pang3年來首套新劇，第一個禮拜嘅收視高開26.4點，應該係今年開播新劇暫時最好嘅成績，比前一檔嘅《愛美麗狂想曲》結局篇高接近2點，甚至力壓「收視台柱」《愛•回家之開心速遞》成為一周最高收節目。

伙記辦大事︳TVB搵收視福將救亡歐陽震華都失過手呢套重頭劇成績麻麻平日黃金時段另一套查案劇集《伙記辦大事》，呢個星期出現反彈收23.4點，有觀眾話劇情去到最後階段先入局，或者有助推動收視，但係恐怕有群星客串嘅《逆》珠玉在前，《伙》莫講話打爛歐陽震華收視保證，仲可能連《愛》嘅收視都挑戰唔到。

綜藝節目方面，一至五十點半新推出嘅《好聲好戲》有驚喜，首周有19.4點，比勞師動眾嘅《大整蠱》更好。

周末嘅《聲夢傳奇》同《日日媽媽聲》同前周大致相同，分別有16及14點左右。

旗艦節目《開心大綜藝》前周反彈後又回軟，跌至播出以來新低嘅18.6點。

《勁歌金曲》亦都微跌至11.6點。

－－－－－－－－－－4月26至5月2日︳《愛美麗狂想曲》爆冷成今年劇集冠軍《伙記辦大事》拆歐陽震華收視福將招牌？TVB最新公布4月26至5月2日嘅收視，亮點喺邊？即刻數！嗰個星期《愛美麗狂想曲》播出大結局，全周平均有24.5點收視，並以全劇30集取得平均23.8點收視，暫列2021年最高收視劇集榜首位置。

綜觀全劇收視走勢，頭15集成績唔算特別，第3周更一度跌到22.7點，但係後半段有驚喜企穩24點以上，以一套喺串流平台播完先出街嘅劇集嚟講，絕對出奇。

反觀被寄予厚望嘅《伙記辦大事》，收視竟然越播越跌，該周只有22.3點，比起首周創今年紀錄嘅24.7點，足足流失15萬觀眾。

向來歐陽震華拍查案劇都係收視保證，連古裝嘅《洗冤錄》都跑出，今次《伙》成績麻麻，或者同劇情行咗一半都仲未入局有關。

下次TVB再用Bobby，似乎要度一度橋。

至於呢期力谷嘅綜藝節目又點？《開心大綜藝》止跌回升有20.8點之外，其餘幾個節目都未如理想。

一至五嘅《大整蠱》跌1點收17.2點，星期六《聲夢傳奇》亦跌1點左右收16.3點，《日日媽媽聲》大致平穩不過都只有14點。

銳意改革嘅《勁歌金曲》仲慘，跌到11.9點，穿埋《流行經典50年》嘅低位。

4月19－25日︳革新綜藝冇成果？《開心大綜藝》《大整蠱》收視不濟今個禮拜睇睇4月19－25日TVB收視成績，綜藝節目繼續係焦點，不過好似唔多理想！嗰個禮拜日對台Viu冇大型節目，但係旗艦節目《開心大綜藝》第3集收視再跌，該周只有19點，比前一周再跌1點。

嗰集最多人講嘅係SupperMoment同胡楓合唱，綽頭有限。

十分緊張《開》嘅曾志偉，係咪要諗吓計點樣谷？另一個大鑼大鼓改革嘅節目《勁歌金曲》，新形式第2集收視亦都係下跌，只有12.2點，比起為人詬病嘅《流行經典50年》天不濟，好大可能係TVB觀眾始終年長者居多，佢地寧願聽「靚歌」「靚聲」都唔要勁歌。

開心大綜藝「九大綜藝」節目之一嘅《大整蠱》嗰個星期接棒《尋人記》，收視同樣得到唔算理想嘅18.2點，比起《尋》十集平均收看人數減少26萬。

雖然《大》製作同橋段算幾認真同新穎，但《尋》珠玉在前，而且整蠱節目唔算新穎，可算生不逢時。

另外2個星期六晚播放嘅節目都唔見得好幾多，《聲夢傳奇》收17.2點，同上一集差唔多，而《日日媽媽聲》就急跌至14.1點，估計暫定做8集嘅《日》應該冇咩機會添食嘞。

劇集方面，2線劇都有下跌，但係勢估唔到《愛美麗狂想曲》仲可以企喺24點水平，如果結局周keep得到，好有機會成為暫時今年嘅劇集收視王。

反而被譽為「救亡之作」嘅《伙記辦大事》第2周就跌近2點至22.8點。

當然《愛．回家之開心速遞》仍然係MVP，而且由前幾周嘅頹勢慢慢恢復，收25.3點。

總括而言，由綜藝到《伙記辦大事》暫時嘅「有頭威冇尾陣」情況可見，度咗條大橋、藝人配搭新鮮加埋宣傳，只係吸到第一「浸」收視。

要維持個勢，內容水準仲係好緊要。

4月12－18日︳《伙記辦大事》《尋人記》創新高ChillClub頒獎禮拉跌《開心大綜藝》收視？TVB最新公布4月12－18日收視，對大台嚟講呢個星期成績好壞參半，即睇！首先嗰個星期係新劇《伙記辦大事》首播周，有「收視福將」歐陽震華再加一段時間未拍TVB劇嘅馬德鐘兼萬綺雯，有實力又有新鮮感。

果然《伙記辦大事》不負眾望，首周有24.7點收視，暫時成為今年開播最高收視劇集，對比前一檔《大步走》，觀眾人數大幅反彈30萬。

而開播成績同樣唔錯嘅《愛美麗狂想曲》，雖然前一周收視回軟，但係該周又再回升，仲去到24.6點，係播出以來最好嘅一個星期。

以今年劇集暫時成績比較，《愛美麗》應該有望做住一排收視冠軍。

另一個好成績節目係《尋人記》，第2周有23.2點，亦都比前周好，而全個節目取得22.8點收視，係去年2月以來同一時段（晚上10點半）收視之冠。

TVB要唔要搞個慶祝活動，叫方東昇去觀塘音樂噴泉沖涼？咁又有咩壞消息呢？呢個星期出街嘅《開心大綜藝》，撞正ViuTV《ChillClub推介榜年度推介20／21》。

雖然大台加鐘正面對撼，不過《開心大綜藝》收視由前周23.7點跌至20.1點，流失超過23萬觀眾。

雖然ViuTV冇正式公布ChillClub頒獎禮收視，但係曾志偉可能真係要留意吓對家呢個「只可以同J2比較」嘅頻道，會唔會已經有威脅了。

另一個隱憂係TVB大鑼大鼓宣傳嘅綜藝節目，第2周收視都開始走樣。

《聲夢傳奇》由19點跌至16.9點，《日日媽媽聲》由17.4跌至15.8點，前者嗰集更加係有淘汰參加者，咁都吸引唔到觀眾追睇，有關方面頭痕嘞。

開心大綜藝4月5至11日︳《開心大綜藝》高收《尋人記》帶挈收視升近5成TVB最新公布4月5至11日收視，呢個星期看點唔少，逐個同你拆！曾志偉上任後，唔少全新綜藝節目都喺呢個星期出街。

先睇星期日重頭節目《開心大綜藝》成績，TVB都知係焦點所在，所以翌日已經公布收視有22點。

而加埋跨平台總收視就有23.7點。

比起上星期嘅《聲夢前傳》同《流行經典50年》（前半小時）平均17點大幅上升。

另一個因為曾志偉上場而大搞嘅節目《勁歌金曲》，收視就比較令人失望，只有13.8點，對比《流行經典50年》早前嘅低位更差。

星期六都有2個新綜藝節目出街，選秀節目《聲夢傳奇》有18.2點，不及前一周播電影《證人》。

不過選秀節目往往要去到比賽中後段先至多人注意，到時收視或者會上升。

而余安安、羅敏莊及陳凱琳主持嘅訪談節目《日日媽媽聲》，目標清晰專攻婦女，喺星期六夜晚十點呢種時段有17.4點收視算係咁。

尋人記至於該周星期一至五晚就有《尋人記》登場，以往「新聞gag王」方東昇主理嘅軟性新聞節目都有捧場客，今次唔再出國採訪拍見聞，反而更有新鮮感，錄得22.3點收視甚至比台柱《東張西望》更好。

對比上一檔節目《你又估我唔到》，同時段收視更加反彈近7點，觀眾人數大約多5成！綜藝強勢，更見劇集乏善可陳。

《大步走》結局周未能一如前幾套劇咁爆seed彈升，20.1點收視只比前一周微升，全劇平均收視亦唔過20點，暫時成為年度包尾。

而第一周表現唔錯嘅《愛美麗狂想曲》，呢個星期收視跌至22.7點。

就連《愛•回家之開心速遞》都近況回軟，全周冇一日過25點。

即管睇吓被寄予厚望嘅《伙記辦大事》會唔會做到嘢啦！3月29至4月4日︳《大步走》終於發力貼近20點《流行經典50年》埋尾迴光反照最新一份TVB收視報告出爐，日期係3月29至4月4日，雖然中間係長假期，但收視唔似過往咁因為觀眾外遊而下跌。

播到第4周嘅劇集《大步走》低迷過後終於有少火起色，收視有19.8點，貼近20點及格線少少。

但係睇返幾個禮拜嘅成績，平均收視都係少過20點，似乎要靠結局周谷一谷先可以避免包艇。

上一周首播嘅《愛美麗狂想曲》同《大步走》都係喺TVB網上平台播放過再推出，不過成績好得多，第2周收視23.5點，只係比之前微跌。

喺劇情冇咩新意嘅情況下，李佳芯靠觀眾緣都幫到收視，云云花旦之中Ali的確值得多啲機會……咁當然《愛美麗狂想曲》有「年青人偶像」曹永廉同蝦頭談情說愛，都係賣點……啩。

2大收視之寶《東張西望》平日keep住22點水平，反而「重頭劇」《愛•回家之開心速遞》近幾個禮拜稍為回軟，今個星期有24.7點，比起上2個星期流失大約8萬觀眾。

另外喺該個星期六晚因為廖啟智逝世而播放嘅電影《証人》，收視有18.8點，比慈善show或者播演唱會更好，大台可以考慮星期六播電影，好過身水身汗搞綜藝。

點解咁講？該星期日播放選秀節目《聲夢傳奇》熱身篇《聲夢前傳》，收視有17.3點，比起小本經營嘅《港產旅行團》同《香港原味道》更遜色。

如果正式出街收視都係咁上下，最驚嘅應該係一班參賽者。

而去到「大結局」嘅《流行經典50年》，可能用「最後一集」呢個綽頭有吸引力，收視反彈到17.1點，比起前兩周嘅低位14.3點大幅反彈。

家燕姐可以放心去湊孫啦～～3月22至28日︳《愛美麗狂想曲》爆冷成今年開播最佳收視《大步走》繼續跑唔郁今次收視報告日期係3月22至28日，嗰個星期嘅亮點係半新劇《愛美麗狂想曲》首播。

稱為「半新劇」梗係有原因，因為《愛美麗狂想曲》一早已經喺網上平台串流播放﹐今次只係電視首播而已。

不過首周表現居然有驚喜，收視有23.6點，以0.2收視點力壓《陀槍師姐2021》，係今年開播成績最好劇集。

雖然《愛》題材唔算新穎，但係有觀眾緣唔錯嘅視后李佳芯坐陣，而且唔少宣傳都力sellAli露背場面，算係爆個小冷跑出。

嗰個禮拜10點半綜藝時段都係有新節目上場，由阿Bob同張秀文主持嘅《你又估我唔到》臨時頂替原定嘅《諸朋好友2》，但係對收視似乎冇幫助，《你》首周得14.1點，比起之前嘅《天天開運王》跌1.5點。

清談節目其實更有叫座力，J2嘅Tiger’sTalk收視唔錯已經反映呢點，而且《你》嘅環節唔見得有幾出眾，似乎高層打錯如意算盤。

另一線劇《大步走》仍然未有發力之勢，第3周收視跌返落18.6點，距離合格水平20點都幾遠。

唔少觀眾都認為《大步走》以長跑做賣點，但係劇情又係愛情＋連串誤會，同跑步冇咩關係。

不過近期好幾套劇集都係最後一周表現反彈，或者《大》最終都會彈返上20點，即使係咁都好難避免成為年度收視包尾劇。

3月15－21日︳《失憶24小時》結局週發力《流行經典50年》越做越頹TVB最新公布3月15－21日嘅收視，嗰個禮拜嘅焦點係《失憶24小時》結局成績。

《失》前20集收視徘徊喺22至23點之間，照理結局唔似有咩起色，但係勢估唔到21－25集平均收視有24.4點，星期六播嘅大結局都有23.4點，雖然未能去到《陀槍師姐2021》大結局25.8點嘅佳績，但係整體計已經算今年暫時收視最好嘅劇集。

至於首周低收嘅《大步走》，去到第2周稍有起色收19.1點，但係仍未過「安全線」20點。

今年TVB兩線劇收視都嚟個尾段發力，《大步走》又會唔會有同樣情況？向來星期六收視都會麻麻，最多有之前播吳孟達作品能夠稍為谷起收視。

但係嗰個星期六(3/20)，竟然連《東張西望》都不足20點收視，另一台柱《愛•回家之開心速遞》亦都只有22.5點，難怪曾志偉上場要推一大堆綜藝救亡。

而即將收檔嘅《流行經典50年》，好似自從傳出4月唔再播之後，收視逐個禮拜「落樓梯」！最新成績係14.3點，再跌半點，唔知到最後一集會有幾多呢？3月8－14日︳《大步走》開播收視大暴跌三大公司歌手亮相救唔到博愛show收視【大步走】長跑藝人5字頭林海峰堪稱全港最快邊個3小時7分跑完全馬？今個星期睇吓TVB3月8－14日嘅收視，呢個星期有陳山聰、姚子羚主演嘅《大步走》開播，上一檔嘅《陀槍師姐2021》本來收視平平，去到尾段先大爆發，大結局仲有近26點收視。

但係《大步走》就未能食住個勢，相反仲差強人意，只係得18.8點。

黃金時間劇集唔過20點，基本上已經唔合格，而且仲要比配音劇成績更曳……可能鍾意跑步嘅都落咗街跑步，冇睇啩。

另一套黃金時間劇集《失憶24小時》有23點，繼續喺22－23點之間徘徊，未知結局周會唔會有驚喜嘞。

上個禮拜提到，2大台柱《愛•回家之開心速遞》同《東張西望》平日一至五收視已經連跌3周，呢個禮拜終於喘定，《東張》有22.4點，《愛•回家》有25.4點。

至於開播以來收視麻麻嘅《天天開運王》，再創新低得15.5點，但係最尾一集介紹關之琳億萬豪宅，可能引起觀眾注意，等睇下個禮拜收視報告。

《博愛歡樂傳萬家》前2個星期六晚都播吳孟達＋周星馳作品，收視十分出色，呢個星期就有慈善show《博愛歡樂傳萬家》。

今次《博愛》係3大唱片公司同TVB破冰之後首個大騷，3大都各自安排咗歌手參與，唔再只得星夢幫，不過節目收視只有13.9點，比起前一周重播《逃學威龍》大跌近7點。

照咁睇，即使歌手卡士強咗，但係節目新意欠奉，怕且TVB要靠搞起音樂節目谷收視並唔容易。

而已知會摺埋嘅《流行經典50年》再跌到得返15點唔夠，難怪要斬！3月1至7日－重播《逃學威龍》再破紀錄《陀槍師姐2021》結局爆升今個禮拜同大家睇下3月第一周嘅收視成績。

嗰個禮拜嘅重點，係收視一度每況愈下嘅《陀槍師姐2021》，去到結局周有冇起色。

前一個禮拜出現反彈之後，最後5集收視再度上升，平均有23.6點，大結局更加有25.8點，可以話係出人意表。

不過拉勻計，全劇收視難以同前4輯《陀槍師姐》相提並論，會唔會再開續集？可能要搵返歐陽震華＋滕麗名先得！另一套一至五黃金時段劇集《失憶24小時》，第3周收視22.3點，比上周稍跌。

《失》播咗3個禮拜都係徘徊喺22－23點之間，成績同外購配音劇《燕雲台》差唔多，有齊郭晉安＋譚俊彥呢個組合竟然得呢個成績，有啲失望喎。

前一周吳孟達逝世當晚，重播電影《審死官》錄得18點收視，打破TVB3年來周末電影時段收視紀錄。

呢個星期重播另一套達哥經典《逃學威龍》，收視更勝一籌有20.6點，比《審》多2點。

逃學威龍曾志偉上場之後，有傳做咗3年幾嘅《流行經典50年》可能4月就要摺埋。

睇返收視成績，《流》又真係幾流。

前2集得16點，最新收視再跌至15.4，幾乎係周末黃金時段最差嘅綜藝節目，難怪被人郁。

流行經典50年值得一題係，2大收視台柱《愛•回家之開心速遞》同《東張西望》一至五收視已經連跌3周，對比2月中2個節目平均唔見差唔多2點收視。

而下次收視報告將會睇到《大步走》開播首周成績，估計唔多亮麗，令大台調早一個鐘避免對撼ViuTV嘅《最後一屆口罩小姐》。

按此下載全新YahooAPP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！－－－－－－－－－－－－－－－－－－－－－2月22至28日-吳孟達逝世重播《審死官》創3年收視紀錄TVB最新公布2月22至28日收視資料，最矚目嘅唔係自家製節目表現，而係重播嘅電影《審死官》。

TVB收視︳吳孟達逝世重播《審死官》創3年收視紀錄吳孟達喺2月27日星期六病逝，當晚TVB播放達哥、梅艷芳同周星馳合演嘅《審死官》，結果錄得18.4點收視，係翡翠台2018年以來周末電影時段收視之冠，比前一個星期播嘅《戰狼2》高出接近2點。

而星期日追悼達哥節目《無可比擬的演藝泰斗永遠懷念吳孟達》亦有21點收視，對比同時段前一周播出嘅《流行經典50年》足足上升5點。

《失憶24小時》劇透︳劇集淡季居然有郭晉安視帝級演出至於兩線黃金時段劇集，第2周嘅《失憶24小時》微跌0.1點，收22.8點，不過不失。

開播以來收視每況愈下嘅《陀槍師姐2021》，去到尾段終於有起色，錄得22.9點，比前周升一點。

另一個收視越跌越有嘅係《天天開運王》，已經連跌3周，2月最後一星期收視只有16.7，似乎響起警號，但係仲有個幾禮拜節目未播……其實嗰個星期一至五嘅黃金時段節目，竟然係得《陀槍師姐2021》收視上升，收視王牌《愛•回家之開心速遞》同《東張西望》都比前周跌1點，反而2個節目周末表現又比前周好。

下星期TVB將會公布《陀槍師姐2021》結局收視，到底會唔會保持升勢帶來驚喜？而《失憶24小時》又會有咩表現？按此下載全新YahooAPP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！我們致力為用戶建立安全而有趣的平台，讓他們與志同道合的用戶聯繫交流。

為改善我們的社群體驗，我們暫時停用文章留言功能Cook1Cook煮一煮·21小時前柑桔滿堂月亮蝦餅柑桔滿堂月亮蝦餅【蘇太名醬最強食譜#易整#好食#CP值高】美味的小吃now.com影音新聞·7小時前消息：葵涌邨逸葵樓及映葵樓增至少70宗初步確診【Now新聞台】消息指，葵涌邨逸葵樓及映葵樓新增至少70宗初步確診，政府凌晨圍封映葵樓強檢，而逸葵樓圍封隔離第二日，有居民不滿當局指示不清晰，不知道何時需落樓做檢測。

葵涌邨逸葵樓第二日圍封強檢，感染群組繼續擴大，全日陸續有人登上救護車，亦有居民拿住行李登上衞生署的旅遊巴去檢疫。

居民要居家隔離，每餐膳食都有工作人員送上門，有穿全套保護裝備的人員在大廈的走廊和後樓梯清潔消毒，亦有人為居民探熱。

當局要求居民每天做檢測，大堂一度迫滿人等候，直至下午居民才獲安排落樓，到附近運動場檢測，現場大排長龍。

有長者坐下等候，有人批評安排混亂。

居民：「早上九時起說可下樓檢測，但鎖了升降機不能下樓，下午兩時後又鎖了升降機，又不能下樓，如何檢測？致電管理處又不理會（有否解釋？）沒有解釋（你會否滿意安排？）簡直失敗。

」吳先生：「很混亂，沒有人能回答你問題，致電查詢能否做檢測，電話錄音爆滿，我看到電視有人在此我才下來。

」運輸及房屋局局長陳帆、保安局局長鄧炳強曾到場視察。

當局懷疑於逸葵樓工作清潔工為超級傳播者，患者居於附近的映葵樓，當局亦圍封映葵樓，大批居民落樓排隊做檢測，有一家大細戴上N95口罩或兩個外科口罩，亦有居民需要他人隔著圍欄送飯。

這位燒味店老闆準備上班時才知道須圍封強檢，要打電話交代工作。

映葵樓居民黎先生：「三餐怎樣都沒有問題，問題是公司沒有人幫手工作。

每一棟都是晚上七時圍封，早上七時便可上班，但你突然凌晨四時圍封，我現在怎麼辦，這次很突然做不到事。

」亦有居民回家前得知大廈被圍封，採購日用品作準備。

#要聞HYPEBEAST·1天前Netflix最新韓國喪屍題材影集《殭屍校園》官方預告正式來襲Netflix最新韓國喪屍題材影集《殭屍校園AllofUsareDead》繼前導預告後，今番正式公開官方完整預告。

Yahoo新聞·1天前【759阿信屋】新春限時優惠（21/01-25/01）759阿信屋推出限時優惠，ChefTellini快熟長通粉、縲絲粉以$17.9/2件價發售，用正常方法或用微波爐煮食都得，簡單方便又好味！now.comtest·4小時前【1月22日疫情速報】(19:30)【Now新聞台】1月22日新型冠狀病毒疫情速報：最新：(1930)本港增26宗確診個案，25宗屬本地感染，逸葵樓確診及初確增至近百宗。

葵涌邨疫情擴大，映葵樓即日起圍封五日，其餘大廈納強制檢測。

新增3宗源頭不明個案，當局調查大窩口邨個案與逸葵樓患者有否關聯。

警隊一名居於葵涌邨逸葵樓的文職人員初步確診。

林鄭月娥：初四大幅度放寬社交距離措施機會比較微。

政府指黃大仙龍翔道豪苑附近一帶的指明範圍，有污水樣本新冠病毒檢測陽性，該區域內全部大廈或構築物被納入強檢公告。

再多兩間寵物店發現陽性樣本，漁護署籲勿阻市民交出倉鼠。

【附連結】42個地方納入強制檢測公告兩醫院即日起為竹篙灣隔離人士提供情緒支援熱線服務衞生防護中心強制檢測指明地點互動地圖各區最新流動採樣站涉及N501Y變異病毒株確診本地個案所居住大廈的強制檢測安排內地、港澳台及各國最新確診數字其他消息：北京新增10宗新冠病毒本土病例，涉兩種變種病毒傳播。

台灣急增82宗本地確診，傳播鏈遍及南北。

南韓新增7009宗新冠病毒確診，個多月以來首次突破7千宗。

東京都新增逾萬宗確診再創新高。

美國宣布暫停四間中國航空公司多個赴華航班。

法國增約40萬人今日新聞娛樂·2天前楊子儀被毆倒地　手掌見血直呼沒事台視、三立八點檔《一個屋簷下》上演緊張綁架場面。

楊子儀所飾演的「江人傑」欠下千萬債務，黑道阿龐追債不成，目標轉向同住一個屋簷下的林筳諭和于晴，將兩人綁架之後再脅迫楊子儀還錢。

楊子儀及時趕到出手相救，卻...Cook1Cook煮一煮·2天前法式大蝦濃湯PrawnBisque傳統法式做法，不用攪拌機。

用新鮮蝦和殼熬製，香濃美味。

家中請客唔失禮，節日慶祝夠大睇。

食譜影片：https://youtu.be/zoJJWXbCJNIFacebook：https://www.facebook.com/lamcarlina香港電台-國際·23小時前中國援助剛果共和國疫苗運抵當地　中方稱印證中非合作中國援助剛果共和國的第三批新冠疫苗，運抵首都布拉柴維爾，並舉行交接儀式。

中國駐當地大使馬福林，及剛果共和國衛生部辦公廳主任唐德萊等多名官員，到機場迎接。

唐德萊代表剛果共和國，對中方援助表示誠摯感謝，表示中方在中非合作論壇第八屆部長級會議上，宣布一系列援助非洲的措施，再次彰顯中非團結互助的堅定決心。

馬福林說，中國向非洲多國捐贈新冠疫苗，印證中方推動中非合作「九項工程」的決心，又指面對疫情，沒有任何國家能夠獨善其身。

馬福林說剛果共和國是中國在非洲的傳統友好國家及重要合作伙伴，中方將繼續提供抗疫的必要支持。

法新社·1天前波蘭聲波大砲抗霧霾有助降低有害微粒濃度（法新社波蘭卡爾瓦里亞-澤布日多夫斯卡20日電）為了與波蘭持續不斷的霧霾對抗，科學家正測試一種新的「大砲」，這種大砲利用聲波把有毒微粒推往更高大氣層，讓居民得以呼吸更乾淨空氣。

香港電台-國際·1天前「末日鐘」維持在象徵末日的午夜前100秒警告人類面臨滅亡危機的「世界末日鐘」，連續三年維持在象徵末日的午夜前100秒。

負責評估的組織《原子科學家公報》表示，雖然末日鐘時間保持不變，但並不意味今年的世界，較兩年前更安全，形容現時仍然是最接近末日的時刻，世界亦處於極其危險的時間。

「末日鐘」在1947年由《原子科學家公報》組織設立，科學家是以全球事件、潛在災難，以及氣候變化等影響，去訂定時間。

醫言窈窕·2天前大寒二十四節氣｜特別寒冷要防風禦寒保暖中醫教暖水泡腳及保暖早餐建議大寒，由2022年1月20日至2022年2月3日是大寒。

大寒是24節氣中最後的一個節氣，亦是一年中最冷的時候、萬物蟄藏的時令。

此時我們應早睡晚起，注意防風禦寒，不要過度操勞，大寒時節建議用暖水泡腳。

大寒之後又是新的一年的開始，究竟如何在新的一年健康地快樂？影片中註冊中醫師楊明霞博士會跟大家分享箇中的秘訣。

now.comtest·14小時前【附連結】42個地方納入強制檢測公告【Now新聞台】政府刊憲，要求於指定時間曾身處42個指明地方的人士，須接受強制檢測。

42個地方納入強制檢測公告#要聞香港天文台·2天前早晨天氣節目(01月21日上午8時)-科學主任何俊傑香港天文台的早晨電視天氣節目每日上午約七時及八時更新，而黃昏節目逢星期一至五下午約六時更新，旨在提供一個親切溝通渠道，讓市民了解天氣變化。

由於天氣瞬息萬變，欲知最新天氣資訊，請瀏覽香港天文台網頁：https://www.weather.gov.hk或https://www.hko.gov.hk。

on.cc東網·4小時前跨部門深水埗取締阻街違泊發42張告票　3男違口罩令遭罰款【on.cc東網專訊】深水埗警區今日(22日)聯同食環署展開聯合行動，共同打擊區內違反防疫規例情況，同時展開巡查，取締無牌小販活動和違例泊車情況。

行動中，執法人員在欽州街、南昌街、北河街、大南街、基隆街及桂林街一帶檢走約250公斤雜物，並向12名放置雜物人士發出今日新聞·12小時前逛好市多潛規則曝！客愣：店員沒說知名美式賣場「好市多」近年來深受國人喜愛，其賣場內商品琳瑯滿目，且時常祭出多樣優惠，因而吸引許多顧客前往消費。

不過，近日就有網友意外曝光好市多消費「潛規則」，讓眾多會員震驚直呼「店員都沒說！」原PO於...香港電台-國際·2天前《環看天下》：馬克龍重申歐盟應實現戰略自主在烏克蘭局勢持續緊張之際，法國總統馬克龍在歐洲議會發表講話，闡述法國擔任歐盟輪值主席國期間的政策立場，重申歐盟應該實現戰略自主。

他提出建立歐洲新秩序，並與俄羅斯展開坦率對話。

分析認為，歐盟要實現戰略自主並不容易，法國必須與德國協調立場共同推動。

法新社·23小時前德國名將茲韋列夫強勢挺進澳網16強（法新社墨爾本21日電）世界排名第3德國男網名將茲韋列夫今天在澳洲網球公開賽以優異發球直落三淘汰對手，挺進16強。

香港電台-港聞·19小時前映葵樓列受限區域　政府目標下午約7時完成行動政府發出限制與檢測宣告，將葵涌邨映葵樓列為「受限區域」，限制區內人士自今日上午4時起，留在處所並接受強制檢測。

受檢人士須在處所等候，直至「受限區域」內所有已識別的受檢人士完成檢測，而相關檢測結果亦已獲大致確定，才可離開處所。

政府已設立臨時採樣站，要求受檢人士於下午1時前接受檢測，目標是在今日下午約7時完成行動。

政府發言人說，前日發現一宗曾在上址居住的陽性檢測個案，另外昨日發現兩宗曾在上址居住的初步陽性檢測個案，初步顯示涉及變異病毒株，經評估後相關區域感染風險有機會較高，因此決定對相關區域作出限制與檢測宣告。

政府發言人又說，明白今次安排會為市民帶來不便，若有僱員因宣告而未能上班，政府希望僱主酌情處理，不要扣減員工的薪金和福利。

星島日報·2天前軒仔欣宜奪年度推介男女歌手MIRROR橫掃JOOX全年榜Edan攬三獎成大贏家【星島日報報道】音樂串流平台JOOX前晚（19日）公布「2021年度JOOXTOP聽推介全年榜」各獎項，MIRROR成...香港電台-港聞·2天前蔡若蓮稱暫停面授課堂要平衡學生學習需要及疫情風險全港中學暫停面授課堂至農曆新年假期，教育局副局長蔡若蓮說，一直留意疫情發展，對於暫停面授課，要平衡學生學習需要及疫情風險，形容決定是非常艱難，今次是考慮到疫情確實嚴峻，有源頭不明個案及社區隱形傳播鏈，學校亦有同學確診，而病毒傳播力非常強。

蔡若蓮在本台節目《千禧年代》表示，每次作出決定都與專家保持溝通，亦要看客觀情況，認為今次的溝通合適。

她又說，如果風險不太大，希望保持同學正常的學習生活，而每日入校園前要量度體溫及潔手，保持座位距離及學校清潔衞生等，政府專家顧問袁國勇今日亦會到學校了解情況。

對於學校下月24日起實施「疫苗氣泡」，蔡若蓮說，無接種疫苗的人士不能進入學園，是基於保護學生，希望家長諒解，所有不符合疫苗氣泡要求的人士不可以進入校園。

她表示，如教職員因無接種疫苗而不能入校園，不能履行工作，會視作無理缺勤，學校亦不能以此情況批出員工假期，如有醫生證明的人士可獲豁免，但需要每三日進行一次檢測。

更多報導1.葵涌邨逸葵樓禁足首日　住客鼓譟逼滿大堂　有人後門偷走被截獲2.傳葵涌邨確診個案急增全邨強檢　各紀律部隊加派人手3.九龍西或存大量傳播鏈女教師未必因9秒相遇中招4.葵涌邨3天飆105確診　映葵樓須5天禁足圍封　今晚無膳食供應5.第5波疫情｜林鄭月娥稱現不宜討論賠償不應每次爆發就人頭落地政府通知各政策局和部門　住葵涌邨政府僱員不用返回工作地點on.cc東網第5波疫情｜林鄭月娥稱現不宜討論賠償不應每次爆發就人頭落地星島日報第5波疫情｜映葵樓住客買齊食物趕回家坦言隔離5日影響生計星島日報逸葵樓爆疫｜有片直擊居民鼓譟帶長幼企圖後門離開斥檢測大混亂Yahoo新聞瑪嘉烈產前助理染疫　居葵涌邨映葵樓18樓　無戴罩傾談惹同事on.cc東網第5波疫情｜張竹君籲市民有病徵盡早求醫稱染新冠機會大過流感星島日報「逸葵樓群組」飆升　涉逾百人遍73個單位　再添11人中Omicronon.cc東網七仙羽借張敬軒谷新節目：一齊上床係咁摷東方日報OrientalDaily天眼直擊：大埔私家車剷花槽變炮彈飛車　攔腰撞柱險斷兩截on.cc東網傳葵涌邨確診個案急增全邨強檢　各紀律部隊加派人手on.cc東網葵涌邨逸葵樓禁足首日　住客鼓譟逼滿大堂　有人後門偷走被截獲on.cc東網港鐵油塘站月台幕門設備故障致冒煙收車後會再檢查星島日報✭🔍網上低息貸款✭網上貸款選擇多、手續快　即時輕鬆週轉！雅虎搜尋居逸葵樓於荃灣政府合署工作警方女文職人員初步確診香港電台-港聞特科斯和凱科斯群島爆Omicron　下周二起列高風險地區on.cc東網【🔍抗老化】及早保養是常識吧！美魔女推介抗老產品療程！雅虎搜尋歐議會譴責香港人權惡化港區省級政協委員聯誼會和中總斥指控無理星島日報9人2019年參與暴動罪成　3月判刑香港電台-港聞港鐵油塘站幕門起火冒煙處理完成　列車服務陸續恢復正常on.cc東網「滅鼠令」惹議　梁肇輝稱無法為倉鼠反覆檢測　索性全數殺絕on.cc東網【🔍老人護理】比較護理服務及復康治療，讓長者享妥善照顧！雅虎搜尋葵涌邨映葵樓凌晨4時突圍封　市民瞓醒方知無得走　斥阻人返工on.cc東網第5波疫情｜港大研究指Omicron複製力及致病性低疫苗接種策略或令病毒減弱星島日報【附連結】42個地方納入強制檢測公告now.com新聞Benz泊觀塘路中司機不省人事消防破窗揭有人醉駕超標4倍星島日報市民歲晚網購馳名蛋捲遭騙財　警呼籲當面交收留意負評防騙on.cc東網許樹昌料年初四放寬社交距離措施機會微乎其微香港電台-港聞因應污水樣本陽性　鳳德公園及豪苑一至三座需強檢香港電台-港聞第5波疫情｜ILoveRabbit等分店停業籲主人善待家中小動物星島日報再多兩間寵物店發現陽性樣本　漁護署籲勿阻市民交出倉鼠now.com新聞逸葵樓住戶留家隔離5天　狂掃食物如過冬　促政府賠償損失on.cc東網確診者赴南昌街擺檔食環署深水埗洗太平地東方日報OrientalDaily【🔍保濕面膜】強效面膜推介！一次過改善多個肌膚問題！雅虎搜尋九龍西或存大量傳播鏈女教師未必因9秒相遇中招東方日報OrientalDaily東京隔離營膳食大升級！有齊鐵路便當、飛機餐、名店外賣Yahoo旅遊美疾控中心引述研究指加強劑是抗擊Omicron關鍵香港電台-國際公僕未打針上班視曠工或革職東方日報OrientalDaily逸葵樓爆疫｜8款膳食曝光粟米肉粒附水果好過竹篙灣Yahoo新聞膳食安排差居民：9點冇飯食東方日報OrientalDaily烏克蘭局勢：入侵擔憂加劇，美俄日內瓦舉行緊急會談BBCNews中文龍薈疑洗手間相遇染疫八旬茶客中Delta東方日報OrientalDaily寵物店群組增至8宗東方日報OrientalDaily俄外長重申無攻擊烏克蘭計劃　美卿指俄方應撤回軍隊香港電台-國際拜登視像晤岸田　就新疆及香港等議題交換意見香港電台-國際何雁詩晒孕照上圍勁升級星島日報Ash深潛18日蒲頭捱鬧東方日報OrientalDaily網民投選「COLLAR素顏評分」負評王竟然係佢？娛樂LOL逸葵樓爆疫｜政府被指走漏確診者行蹤張竹君指巴裔婦丈夫供詞不一Yahoo新聞5日強制史無前例遲來封逸葵樓東方日報OrientalDaily陳志雲爆商台員工搵MIRROR合照被工作人員鬧盤點管理團隊7宗罪Yahoo娛樂圈