最後的收視報告︳唔公布收視咪冇節目低收視囉 - Yahoo新聞

而喺呢篇公布後面就示範咗日後TVB公布收視嘅模式。

「翡翠台昨（24 日）晚8 時30 分直播之《香港金曲頒獎典禮2021/2022》，錄得跨平台直播最高收視19.1 ... 焦點八達通領取消費券時間表、常見問題最快幾時拎尾數？焦點特區護照申請/續期方法、費用、需時、相片規格申請證件服務站毋須預約！閱讀整篇文章2022年7月26日下午12:25最後的收視報告︳唔公布收視咪冇節目低收視囉與其解決問題，倒不如解決提出問題嘅人，呢個的確係好有效嘅方法。

TVB尋日宣布，「隨着新媒體的發展，廣大觀眾不再局限於透過傳統電視觀賞節目，同時亦可使用電腦、平板電腦或智能手機等透過多種媒體平台瀏覽，又可隨時隨地到myTVSUPER等網絡平台重溫，是以恆常於每周一發放電視直播收視資料已不合時宜，未必能完全反映觀眾收看電視節目的實際情況」。

因此TVB將「重點聚焦於公布本台電視節目收視資料，以切合現時的收視數據公布環境」。

而喺呢篇公布後面就示範咗日後TVB公布收視嘅模式。

「翡翠台昨（24日）晚8時30分直播之《香港金曲頒獎典禮2021/2022》，錄得跨平台直播最高收視19.1點，觀眾124萬收看，成績理想」。

嗱，引號入面嘅都係官方公布內容，「成績理想」呢4個字都係TVB篇稿入面架。

首先，過去收視資料都係由TVB發布，本來只有翡翠台節目嘅7天跨平台收視（包括數碼頻道、myTVSUPER直播、7天追看收視及家外媒體），舊年5月開始改為公布本地三間電視台直播收視。

的確，而家觀眾睇電視好少坐定等直播，數字亦未必反映節目有幾受歡迎。

但係假如「廣大觀眾不再局限於透過傳統電視觀賞節目，同時亦可使用電腦、平板電腦或智能手機等透過多種媒體平台瀏覽，又可隨時隨地到myTVSUPER等網絡平台重溫」，咁何不公布返7天跨平台收視？。

如果「直播收視資料已不合時宜」，「未必能完全反映觀眾收看電視節目的實際情況」，咁你啲sales拎咩去sell客落廣告？又，將「重點聚焦於公布本台電視節目收視資料」，又有幾「切合現時的收視數據公布環境」？你咪又係拎個2日前嘅show話跨平台直播最高收視19.1點！唔講以為你整疊有齊觀眾年齡層、收入狀況、觀看時數嘅數據分析我睇添，嚇得我。

而且當日係TVB自行更改公布資料內容，連對家條數都開埋，一年多啲咋噃？點解而家又彈出彈入，以昨日的我打倒今日的我？「電視直播收視資料已不合時宜，未必能完全反映觀眾收看電視節目的實際情況」？個世界快到咁呀？尋人記2攤開呢年幾以來嘅TVB收視數字睇，兩線劇集唔過20點係「新常態」，保持2字頭嘅多數係《愛．回家之開心速遞》同《東張西望》。

一度大鑼大鼓改革嘅綜藝節目，結果最標青嘅係新聞部主理嘅《尋人記》，下一輯方東昇可以搵下失蹤多時、號稱旗艦嘅《開心大綜藝》去咗邊（仲有《爆足一周》！）。

公布收視唔一定對TVB不利，相反本欄多次提到，ViuTV近半年收視冇咩起色，基本盤3點收視好多時都守唔住，10點半2套綜藝更加慘不忍睹。

就算外購韓劇建功，算出色嘅5點收視，同TVB江河日下嘅15點相比，仍然有距離。

童時愛上你既然大台覺得「聚焦於公布本台電視節目收視資料，以切合現時的收視數據公布環境」，咁大家自然識睇條數︰冇公開嘅，即係成績唔多靚仔啦。

咁啱睇唔到《童時愛上你》結局周收幾多添，唔知有冇14點？不過我比較想知嚴重爛尾嘅ISWIM到底係升定跌囉。

冇收視數字唔緊要，作為上市公司TVB同ViuTV母公司電盈，點都要公布業績，到時隔離teamYAHOO財經一定同你睇到實，佢地班才俊數口好過我好多！收視報告︳Viu播金像獎收視破10點ISWIM首播觀眾多一倍ISWIM︳Jeffery魏浚笙首次擔正憑演技搶鏡反而被負評？上周（7月11－17日）收視報告可以話係ViuTV近來最搶眼嘅一期。

首先新劇ISWIM開播有5.8點，係今年ViuTV自家劇之中成績最好，果然出鏡仔+肌肉當堂成功吸客。

對比上一套口碑麻麻嘅《冥冥之中》，觀眾人數直情多咗一倍。

估計ISWIM第二周收視應該過6點，但係因為只有十集，氣勢相信難以承接。

由於ISWIM收視好，緊接播放嘅綜藝《金像玩家》都有3.7點，算係今年至今Viu兩線綜藝節目中成績稍好嘅一個。

另一個亮點當然係星期日晚嘅香港電影金像獎頒獎典禮，平均收視有10.4點，係今年Viu最高收視節目。

同樣因為高收視節目帶挈，連平時大約1點收視嘅7點鐘嘅新聞報道，都倍升至4.6點，好誇張。

由於TVB同Viu嘅支持者好少可轉台睇對家，所以間中先有「搶客」情況。

不過金像獎係年度盛事，而且只此一家，因此真係令TVB同時段播嘅《聲生不息》收視下跌。

向來《聲》平均有17點左右，而且收視人數十分穩定，但遇著金像獎當堂跌至13.5點。

而面對收視比前周升近3點嘅ISWIM，同時段播放嘅TVB劇《童時愛上你》收視只微跌0.2點至13.8點，所以兩台嘅收視升跌好多時都係互不相干，贏輸都係因為節目質素，畢竟而家觀眾有大把娛樂選擇。

講返《童》，三周下來收視一路跌，而家平均14.1點，假如下周收視低過11.2點，就會同史上最低收視劇集《雙生陌生人》睇齊。

即使keep住14點附近，都會係年度尾二，似乎高Ling挑戰視后又要等下套劇嘞。

反觀另一套開播TVB劇《回歸》就交到貨，首周有17.2點算係近期唔錯嘅成績。

介紹套劇嘅時候都講過，《回歸》劇情唔會有太大驚喜，但觀眾可能寧願要呢啲都好過燒腦，相信後續收視唔會差得去邊，起碼唔怕打破收視低位。

繼續閱讀7月4－10日收視報告︳《童時愛上你》收視再下探開電視《一線搜查》有驚喜上周（7月4－10日）收視報告，先講ViuTV。

稍為值得一提嘅節目有2個︰探討生命話題嘅《21克公寓》升半點至3.3點，相信同陳敏兒分享兩度痛失至親嘅經歷有關。

從成本效益計，訪談節目做得好的話實在本少利大。

從社會角度睇，呢類心靈治癒系節目，好適合觀眾臨瞓前清一清個腦。

另一個係星期六播嘅ISWIM製作特輯。

MAKINGOF都有3.2點，當然係多得鏡粉，亦可以推算本周播出嘅ISWIM，成績應該唔錯。

你地估下過唔過到6點？ISWIM劇情︳ViuTV反撲第一波好多排腹肌等緊你好少提及開電視收視，但近來著實有亮點︰被稱為開電視版《東張西望》嘅《一線搜查》，首周收視有2.7點。

睇返過去3周，同一時段收視大約係2.2點，以新節目開播嚟計算唔錯，而且做出口碑之後會吸納更多觀眾，當年《今日睇真D》都係一步一步靠唔同搶眼話題（例如解剖外星人），迫到TVB要出招對付。

而《一線搜查》亦帶挈林峯主演嘅《黑金風暴》收視升至3.3點。

似乎開電視以其人之道還治其人之身對付大台，初步有效。

回歸光影頌最後先講TVB。

上周播出一連五集單元劇《回歸光影頌》，各個故事嘅收視係「落樓梯」式下降︰星期一龔嘉欣主演嘅《究竟天有幾高》收視最好有17.3點，以近期自家製劇集計更加係飲得杯落。

之後嘅單元《母親的乒乓球》已經跌1.1點，到星期五嘅《曙光》已經返到15點。

《曙光》亦即係今周首播嘅《回歸》前傳，由此可見《回》都未必開到個靚頭。

至於另一線劇集《童時愛上你》再跌半點至14點。

今周有ISWIM打對台，估計對《童》影響未必太大，因為大台同Viu嘅觀眾好少因為對家節目啱睇而轉台，跌數都好有可能因為觀眾棄劇。

6月27日－7月3日收視報告︳《童時愛上你》首周收視唔過15點挑戰《雙生陌生人》包尾地位？上周（6月27日－7月3日）雖然有長周末，但三台收視似乎未受影響。

TVB方面，內地劇《尚食》結局周收19.3點，全劇平均收19點，最高亦過20點，論收視排名似乎好過唔少TVB自家劇，但睇數字其實同過去嘅外購／內地劇差唔多。

至於首播嘅《童時愛上你》，我地都估劇種同開台以來最差收視嘅《雙生陌生人》類似，可能成績同《雙》差唔多。

結果《童》首周收14.5點，一至五黃金時段嚟計排尾二，仲差過星期日播嘅《青春本我》。

上一檔嘅《十八年後的終極告白2.0》個頭同樣開得麻麻，但因為劇情有懸疑性吸引到觀眾中途「上車」，後期收視都有上升。

而《童》除非有劇情突破或口碑加持，否則同《雙生陌生人》爭包尾真係唔出奇。

童時愛上你回歸假期自有回歸show，TVB播嘅文藝晚會有23.4點，收視比起唔少大show更加亮麗，亦可能因為當晚8號風球造就好成績。

ViuTV繼續未見起色，多個自家製節目同劇集《冥冥之中》仍未衝破3點慣性收視，音樂節目ChillClub剛過去一集演出歌手比較冷門，令收視再跌至1.2點，都要諗下點樣改動下。

反觀talkshow《爆谷一周》近期有起色，上周六搵爾冬陞、彭秀慧等導演做嘉賓，收視3.7點更勝張敬軒做嘉賓嗰集。

再睇埋開電視條數，一至五黃昏六點嘅節目《聲東擊西》只有0.1點收視，即係只得大約6500人睇。

我諗亞視熄機之後﹐都未見過有節目下探呢個新低。

6月20－26日收視報告︳《十八年後的終極告白2.0》收視史上尾二林峯周秀娜《黑金風暴》收幾多點？上周（6月20－26日）收視焦點係TVB劇《十八年後的終極告白2.0》結局篇到底成績如何？結果係16點，全劇平均15.6點一定唔算好，即使對比前一檔嘅史上最低收視黃金時段劇《雙生陌生人》多2.1點，但都係排全年尾二，亦係史上尾二。

再睇返資料，截至去年嘅TVB一至五黃金時段劇集收視資料，最差嘅《刑偵日記》有13.8點，尾二係雪藏11年先翻叮嘅《蘭花劫》，有18點。

而今年至今已經有《金宵大廈2》、《愛上我的衰神》、《食腦喪B》、《十八年後的終極告白2.0》同《雙生陌生人》差過《蘭花劫》，足以將《蘭》打出史上收視最差劇集前五名！不過由於TVB早幾年曾經只公布跨平台收視，難以同而家計直播收視所得資料作比較。

但係以往TVB劇唔夠25點就已經算係仆直，大台劇入屋程度可謂今非昔比。

十八年後的終極告白2.0本來視為有力同TVB搶收視嘅ViuTV劇《冥冥之中》，繼續守住3點「保險線」。

但隨住越來越多人恥笑劇情同演員表現，我相信喺其他渠道睇過套劇嘅人唔少。

另外由林峯、黃浩然同周秀娜主演嘅開電視外購劇《黑金風暴》，第二周收視升少少至2.2點，起碼超越以往同時段「唔過2」嘅慣性。

冥冥之中臨近回歸25年，TVB多個相應節目之中，除咗新聞部嘅回顧節目《承先啟後廿五載》收視稍為穩陣，其餘都唔算標青。

接替收視之星方東昇嘅《尋人記2》有《香港25個第一》，但明顯唔夠叫座力，比《尋》跌近4點至12.4。

6月13－19日收視報告︳三台收視異動分析星期日TVB收視急跌之謎特首專訪有幾多人睇？上個禮拜（6月13－19日）收視報告，碎濕濕咁講下。

－一至五TVB收視保持平穩，《十八年後終極告白2.0》稍微反彈至16.1點，《尚食》繼續有19點以上。

《尋人記》最後一周同前周一樣有16.1點，呢個成績值得開《尋人記3》。

十八年後的終極告白2.0－由TVB嘅《健康100錯》到Viu《恐怖醫學》到開電視《健康原因講多D》都有不俗收視，一向都話軟性醫學資訊節目有市場，TVB自家製呢類節目當然係反應快，但都不妨考慮外購……如果仲有日韓節目未被人買起。

－星期日TVB全線節目收視下跌，連穩陣嘅《聲生不息》都跌穿17點，《東張西望》更誇張地流失4點（約26萬觀眾）。

原因？可能係父親節。

同樣情況喺母親節同樣發生。

－《聲夢2》再跌1點，之前講過選秀節目要步入中後段先至有反彈，仲要有參加者交出令人眼前一亮嘅演出先吸到客。

十幾年前楊宗緯唱《背叛》，同上年Chantel唱《戀愛預告》，都係節目吸納觀眾所必需。

睇吓製作組有冇辦法chok到一個搶眼演出啦。

《聲夢2》參加者任暟晴（Jasmine）《聲夢2》參加者，醫科生趙小婷－《爆谷一周》一向收視平平，係幾出乎意料，因為香港冇幾多睇得舒服嘅主持人，谷德昭係少數之一，Viu一眾年青主持要學吓。

上周反彈到3.4點，因為嘉賓係另一個受愛戴嘅人物張敬軒。

－Viu節目排陣繼續冇咩亮點，2套綜藝收視都係死死地，《冥冥之中》彈上3點樓上，可能因為網上多人取笑……－開電視星期日播出《特首告別專訪》，收視係0.4點，即係有大約26000人睇，而林太嘅facebook專頁有152803人like。

乜咁嘅？6月6－12日收視報告︳《尋人記》收視高過劇集《聲夢傳奇2》首集低收唔駛驚尋人記上周（6月6－12日）TVB整體收視出現反彈，一至日黃金時段大部份節目都被前周上升，連一至五6點鐘嘅國民教育式資訊節目都多咗人睇。

兩線劇集分別高收一點左右，《尚食》亦步亦趨邁向20點，第2周嘅《18年後的終極告白2.0》都有起色，升到15.6點。

但係更威嘅係收視之星方東昇，由佢主理嘅《尋人記》收視16.1點，比《18年後2.0》更高。

周六播出首集嘅《聲夢傳奇2》係少數比上周同時段出現下跌嘅節目，只有12.1點，差過前周播嘅電影《葉問》。

不過睇返《聲夢》第一季收視，用作介紹參加者嘅第一集，跨平台計都只有14點收視，到正式比賽先開始多人注意，播出中段收視站穩16點以上。

今季參加者水準更高，照計賽事會更好睇，收視應該唔會太差。

聲夢2好少會提香港開電視，但上周幾個節目《山旮旯睇樓團》、《健康原因講多D》同《空間改造王》收視都高過ViuTV，而Viu出動埋AnsonLo等歌手嘅ChillClub音樂會轉播都只有3.1點。

計埋TVB嘅《尚食》，似乎觀眾對外購節目越來越受落。

反觀ViuTV，一至五9點半打後都係自家節目，但成績唔多理想，劇集《冥冥之中》開始被網民搵到恥笑位，上周收視跌至3點以下（2.9)，再係咁落去應該會成為公布直播收視資料以來，成績最差嘅ViuTV劇。

而2套綜藝《地獄廚神是我媽》同《我哋係COLLAR》繼續唔過3點。

5月30日－6月5日收視報告︳兩台劇集大戰揸流攤《十八年後的終極告白2.0》《冥冥之中》齊齊低收上星期（5月30日－6月5日）TVB同ViuTV都有新劇推出﹐Viu仲要出動自家劇，不過數字一出，都幾失望。

緊接TVB史上最低收視劇集《雙生陌生人》出街嘅《十》，首周收14.7點，對比仆直嘅《雙》有近一點反彈，但係居然唔過15點就真係幾惡睇。

畢竟《十》第一輯收視口碑俱佳，先至有機會開續集，但係連喪屍題材兼網上播完嘅《食腦喪B》首周都高佢3.5點，確係跌眼鏡。

那邊廂，ViuTV嘅《冥冥之中》搵郭羨妮、劉心悠等掛帥，結果開播只有3.3點，以今年Viu自家劇計係暫時最差。

果然題材決定收視，兩台較早前嘅《反起跑線聯盟》同《家族榮耀》，絕對唔係燒腦懸疑劇種，反而成績幾好。

創作人係咪應該思考下？冥冥之中講返TVB，內地劇《尚食》同新聞部製作《尋人記2》分別收18.7及14.6點，保持平穩。

因為《日日媽媽聲》低收而臨時上陣嘅《東．南歐潮什麼》果然立即建功有11.1點，起碼收返雙位數。

睇返成盤數，上周TVB黃金時段，冇一個節目過21點，似乎仍未擺脫低潮。

ViuTV同樣唔多醒神，一至五2套綜藝節目齊齊唔過3點，以女團COLLAR組成嘅紀錄式綜藝《我哋係COLLAR》只有2.8點，收視低之餘，更值得留意COLLAR聲勢似乎欠缺後勁。

不過前輩MIRROR同ERROR都唔係一出即爆，即管俾少少耐性睇睇。

5月23－29日收視報告︳《雙生陌生人》正式成為TVB史上最低收視劇集上周（5月23－29日）收視報告，印證TVB一個紀錄的誕生！馬德鐘主演嘅《雙生陌生人》，結局周收視稍為反彈至13.9點，以全劇平均收視13.5點，成為TVB開台55年來，一至五黃金時段收視最差嘅劇集。

上年王浩信主演嘅《刑偵日記》，即使有惠英紅、姜皓文助陣，但因為讓路畀奧運延至10點15分播出，加上劇種唔對家庭觀眾胃口，平均慘收13.77點。

點知紀錄未夠一年就被打破，而且《雙生陌生人》播出4周以來，收視從未超過14點，同《刑偵日記》先由17.5點拾級而下完全唔同。

《刑偵》似係被棄劇，而《雙生》根本難以吸引觀眾興趣。

《雙生陌生人》因為低收視而由25集「被濃縮」至20集，綜藝節目《日日媽媽聲》都有類似情況。

上周《日》只有8.9點收視，兩星期下來同10點收視越來越遠，結果今周被梁芷珮主持嘅《東．南歐潮什麼》取代。

上星期我地都講過，《日日媽媽聲》第一輯本身已經反應一般，夾硬再開仲要放平日（周一至三），呢個安排真係好難理解。

近期TVB對低收視節目零容忍，都算係一種德政，起碼觀眾唔使眼冤。

而且從上周數字嚟睇，早前嘅跌勢似乎已經喘定，《愛．回家》同《東張西望》重返21點以上。

而「收視之星」方東昇主導嘅《尋人記II》再微升至14.7點，外購劇《尚食》都有近19點。

加上星期日嘅《聲生不息》保持平穩，撇除《雙生陌生人》同《日日媽媽聲》嘅不濟，TVB都算係喜多於悲。

早前疫情高峰令TVB收視上升，對ViuTV影響唔大。

但防疫限制逐漸解除後，對ViuTV嘅影響似乎大過TVB。

上周最高收視嘅《恐怖醫學》得3.4點，一至五兩套韓劇僅僅貼近3點基本盤。

負評多過乜嘅《瘋火與膠七》連2點都冇。

今周播出嘅《我哋係COLLAR》唔止對出道聲勢先升後回軟嘅COLLAR係考驗，亦係ViuTV呢期必需嘅收視救亡丹。

5月16－22日收視報告︳收視救星方東昇《尋人記2》淡市驚喜《雙生陌生人》等做史上最差上周收視報告（5月16－22日）焦點係TVB出動《尋人記2》同內地劇《尚食》打救收視，到底有冇成效？先睇《尋人記2》，第一、二集主角係投訴王安仔，收視14.3點，非常之有交代。

以10點半綜藝嚟計，對上一次有呢個數已經係一個月前嘅《三餸一湯》。

估計隨住節目煲起話題，後段嘅主角人物夠綽頭的話，應該仲有得升。

而周一至三出街嘅《日日媽媽聲》有比較有傷害，只得9.5點。

上年《日》收視都係麻麻，再做第二輯嘅理由……可能係搵到個客贊助啩。

劇集方面，《尚食》首周有18.4點，亦係相當唔錯。

似乎香港觀眾對內地劇越來越受落，唔止一眾大台製作人要打醒精神，藝員都似乎唔可以再借大台劇入屋優勢搵食。

而「被濃縮」成20集嘅《雙生陌生人》上周再跌至13.1點，即使有評論話劇情終於步入佳境，但係無力回天，要等做史上最差收視劇了。

《聲生不息》上周有17點，幾周下來應該穩守呢個數。

下個月再推埋《聲夢傳奇2》，大把歌聽啦觀眾。

「音樂綜藝」收視有保證，TVB仲繼續開「掌門人」成效會點？到Viu，上星期冇晒鏡仔孭飛節目，2套綜藝都過唔到3點收視合格線。

《瘋火與膠七》keep住2.3點低位。

就連最好成績嘅《恐怖醫學》／《大發不動產》都係得3.6點，之後播嘅自家劇《冥冥之中》真係不容有失，又或者快啲推全人類期待嘅iSwim啦。

5月9－15日收視報告︳《雙生陌生人》邁向史上最差收視劇集TVB又加備註踩Viu今次講乜？之前都提過，TVB發布嘅收視資料，間唔中會有幾行備註，補充未有涵蓋嘅資料。

話就話備註，但通常有亮點，例如年頭《青春不要臉》出街，收視普普通通，但係收視資料下面就標註「《青春不要臉》內地豆瓣評分7.8分，佔一周華語口碑劇集榜第8位」，仲提供埋ViuTV劇《IT狗》豆瓣評分係5.9呢項資料。

用意何在？自己諗啦。

收視報告︳《雙生陌生人》邁向史上最差收視劇集TVB又加備註踩Viu今次講乜？尋日發布嘅收視資料又有「備註」，梗係立即睇！內容有2點︰星期六晚直播英格蘭足總盃決賽，平址收視8.7點，最高11.6點，賽前《球迷派對》平均7.7點。

好正路吖，唯一思考位︰免費波都係得100萬人睇，平時NOW嘅足球賽訂戶人數查實可以有幾多？另一點，啄正ViuTV。

J2星期日晚跨平台收視2.6點，仲提到「超越ViuTV同時段之2.5點」。

而當晚播嘅電影《保持通話》平均3.1點，最高4.3點。

咦，J2個數係跨平台收視，Viu係直播收視喎……話時話，既然曾總經理話ViuTV收視只可以同J2相提並論，咁不如TVB公布埋J2收視資料啦，咪仲威！好喇，返正題。

有備註，可能因為要轉移視線。

TVB上周(5月9-15日)收視起碼止住跌勢。

《愛回家》同《東張西望》都微微反彈。

《雙生陌生人》開播得13.5點令人嘩然，第2周keep住同樣數字，保持水準的話應該好大機會「鍊贏」《刑偵日記》成為開台55年以來收視最差劇集。

結局周嘅《食腦喪B》不升反跌低收15.5點，開播以來未升過，全劇平均收視16.5點，以一至五黃金時段劇集計係今年最差，計埋周日播嘅《青春本我》先至叫尾二咋，陰功。

好在TVB星期日收視全線彈起，《東張》更加比前周勁升4點，《聲生不息》都升2點至17.2點。

Viu都唔見得幾好。

自家製綜藝《勁騎26》跌到3點樓下，被瘋狂負評嘅《瘋火與膠七》更加得2.3點，證明Viu冇幾多慣性收視揮霍。

5月2－8日收視報告︳差過《刑偵日記》《雙生陌生人》得13.5點《肥美人》決賽同樣不濟上星期（5月2－8日）收視嚟講，TVB同ViuTV一樣有要鞭撻嘅地方！講咗成個月，因為防疫限制解除而令TVB收視下滑嘅勢頭仍未停止。

上周首播嘅《雙生陌生人》首當其衝，只有平均13.5點！畀個數字你參考︰史上最低收TVB劇《刑偵日記》，舊年因為讓路俾奧運，調到10點15分播，結果本來疲弱嘅收視再跌至11.4點。

《雙》冇奧運因素，時段仲係9點半，只得13.5點真係好大件事。

而且首周已經低收，除非口碑超好，之後應該難有起色。

如果全劇平均唔過13.8點，就會「打低」《刑偵日記》成為史上最低收視劇集。

另一套劇集《食腦喪B》上周再跌1點至15.8點，暫時平均唔夠17點，好大機會係年度榜尾三甲。

而「兩大王牌」都keep住21點左右，而《愛．回家之開心速遞》就跌穿21點，星期日一集更加比上周跌2.5點得16.9點。

ViuTV一樣響警號。

上周六《肥美人》決賽只有3.5點收視，完全偏離Viu台大show5點水平。

而全周冇個節目收視「過4」，連《恐怖醫學》都只得3.1點。

而ChillClub同《爆谷一周》更加齊齊唔過2點。

新上任嘅ViuTV總經理鍾廣德要諗下辦法喇。

4月25－5月1日︳《金宵大廈2》慘成年度包尾TVB兩大皇牌失守20點今次收視報告（4月25－5月1日）先講TVB劇集成績。

上周大結局嘅《金宵大廈2》竟然打破「結局必升」嘅定律，以15.6點黯然收場。

全劇平均收視17.4點，暫時成為今年度「包尾大幡」。

本來《金》因為口碑好而開續集，論質素同上輯唔爭太遠，但係比收視的話，《金宵大廈》以跨平台計算係2019年年度季軍，的確始料不及。

而第2周嘅《食腦喪B》同樣報跌，上周收16.6點，再係咁落去好大機會墊住《金宵2》。

連續關注咗好幾個星期疫情同TVB收視嘅關係，上星期收視全面反映放寬防疫限制嘅影響，見到2月尾疫情爆發時超過27點嘅《東張西望》同《愛．回家之開心速遞》（周一至五），上周已經回落到21點左右，比前周少咗2個收視點左右，基本上已經回到舊年疫情受控時嘅水平，星期六兩個節目嘅收視亦再次跌到18點附近。

加上前述嘅劇集低收情況，除非網上收看人數好鼎盛，否則都幾肯定年初嘅TVB收視「小陽春」告一段落。

比較出人意表係首次喺直播頻道推出嘅內地合拍音樂節目《聲生不息》，連續2周企穩16.9點。

有評論認為節目係豪裝版《流行經典50年》，從收視成績睇又的確係。

正所謂「一節淡三墟」，ViuTV上周日搞完ChillClub頒獎禮，上周整體收視立即無咩聲氣。

《肥美人》連跌2周至3.8點，坊間唔多buy以節目軟銷大碼女士有美態有自信嘅觀點，而且節目環節未見新意亦唔算有太大迴響，似乎要捱多陣。

同期各有MIRROR成員做主持嘅綜藝，聽聞唔少人睇完《Go執事務所》而「落坑」迷上Jeremy，另一成員Alton就有「自肥」成份嘅電單車節目《勁騎26》。

結果上周《勁騎26》以3.7點險勝有3.5點嘅《Go！執！事務所》。

4月18－24日︳TVB跌勢未止《聲生不息》大戰《ChillClub頒獎禮》邊個成績有驚喜？呢幾個禮拜都關注緊同一個問題︰因為疫情嚴峻，多咗觀眾睇電視，因而造就嘅收視「小陽春」，會唔會喺防疫限制逐步放寬而下跌？上周四晚市堂食重開，對上周（4月18－24日）TVB直播收視又有幾大影響？繼續以節目形式固定嘅《東張西望》及《愛．回家之開心速遞》做比較，星期一至五嘅收視比上周跌一點左右，分別收24.3及24.9點；星期六比較嚴重，《東》跌3.8點而《愛》跌3.4點。

至於星期日《東》跌2.4點而《愛》跌1.4點。

再睇埋其他節目︰《金宵大廈2》跌勢未止，上周低見16.5點，重返上年劇集收視低迷位置；新劇《食腦喪B》好少少，開播有18.2點，但比起《機智女法醫》首周同結局嘅23.1點，頓時高下立見。

明顯見到TVB直播收視受影響，但唔排除觀眾多咗出街之後，轉為網上睇重溫。

周日晚嘅兩台音樂節目又如何？可以話無驚喜。

《聲生不息》有近17點，《ChillClub頒獎禮》有5.8點。

論人數點數TVB當然贏幾條街，不過對比之前同時段嘅綜藝TheShowMustGoOn，2集平均都有17.6點，以《聲》嘅歌手陣容收視只係稍勝《聲夢JUNIOR》梗係說不過去，但係音樂競賽節目往往到後期更緊湊，可以睇多幾集再定奪。

至於《ChillClub頒獎禮》嘅收視大概維持ViuTV大show水平，由於上年TVB未有公布埋友台收視，所以未能比較兩屆頒獎禮收視。

但係我希望下年《ChillClub頒獎禮》嘅鏡頭唔好咁搖晃，同埋block咗台後「何啟華」燈牌個位。

4月11－17日︳《金宵大廈2》未見起色《肥美人》突擊成功兩台各有節目慢慢升由上周（4月11－17日）收視資料所見，TVB黃金時段節目收視未見起色，一至五嘅《東張西望》及《愛．回家之開心速遞》分別有24.3及24.9點，已經係連續4周下跌，如果睇埋周末嘅收視，跌幅更為明顯，2個節目相對一個月前跌3－4點。

坊間口碑唔錯嘅《金宵大廈2》微跌收18.5點，對比《家族榮耀》都幾大落差。

早前假期都見到唔少人出街，市民見疫情好轉多咗外出，今個禮拜晚市堂食重開，會唔會令留喺屋企睇電視嘅觀眾更少？過2周睇收視報告就知。

稍為可喜係結局周嘅《機智女法醫》收23.1點，比上周升近1點。

《機》全劇平均23點，外購劇而言算不俗。

新登場綜藝《三餸一湯》有15.2點，保住大台烹飪節目15點基本盤，而且比曾總經理落場嘅《講你都唔信》更好成績。

值得一提係，星期日嘅訪談節目《諸朋好友》近來收視慢慢爬升，由初期8點附近升到上周終於過10，其實訪談節目向來有捧場客，放早一啲出街效果或者更好。

ViuTV都有呢類慢慢吸客節目，就係做咗一段時間嘅《今餐有料到》。

細心睇數字，原來近排由2點逐級上，上周已經有3點了。

再次證明，烹飪show的確長做長有，台灣嘅《型男大主廚》就係例子。

講返Viu，上周最高收視嘅節目居然唔係《恐怖醫學》，而係首周有4.5點嘅新節目《肥美人》。

選秀（或稱另類選美？）向來係ViuTV賣點，要keep住4點以上應該唔難。

4月4－10日收視報告︳《金宵大廈2》首周低收TVB又出豆瓣評分轉移視線上周（4月4－10日）收視焦點，主要係睇備受期待嘅TVB新劇《金宵大廈2》開播成績。

早前疫情高峰期，市民留家抗疫，造就TVB黃金時段節目收視上升。

而家限制措施未完全解除，但從前周分析所見，抗疫帶動嘅收視效應似乎慢慢減退。

而適值呢段時間出街嘅《金宵大廈2》首當其衝，首周收視只有18.8點，反觀口碑普通嘅《飛虎3》開播有22.4點，以《金宵大廈2》頭2個單元嘅反應，呢個數的確跌眼鏡。

而TVB亦重施故技，喺收視報告上面標註《金宵2》喺內地豆瓣評分有8.5分，成為一周華語口碑劇集榜冠軍，哦。

之前所講疫情效應減退造成收視下跌，可以由其他收視硬淨節目嘅成績可見。

《東張西望》及《愛．回家之開心速遞》前周都有26點，上周跌至25點左右，星期日2個節目更加跌2點。

首2周保持23點以上嘅《機智女法醫》，上周跌1點至22.3點。

《講你都唔信》跌半點至14點，《芬蘭潮什麼》跌2.3點至12.5點。

至於ViuTV，由於收視基數低，疫情效應唔太明顯，所以上周收視唔算有太大上落。

劇集《反起跑線聯盟》結局周再微升至5.4點，整體成績唔錯；大改革嘅《MM730》比之前嘅《囝囝囡囡730》收視冇太大分別；新綜藝節目《為食家族》終於造出同時段近期最佳成績，開播周有3.8點。

3月28至4月3日收視報告︳《飛虎3》收視平平都夠贏晒舊年4套台慶劇上周（3月28至4月3日）3台收視對比前周大致平穩，但筆者嘗試對比個多月前疫情開始爆發時嘅水平，就發現「受惠」於較多觀眾留家收睇嘅TVB，上周節目收視稍微回落。

以平日兩大王牌《東張西望》及《愛．回家之開心速遞》為指標，2個節目3月第一周（星期一至五）收視都衝破27點，而上周就齊頭26點。

可以留意多2周嘅數字，尤其是晚市堂食重開之後，TVB收視會否打回原型，相信大台到時亦有兩手準備。

劇集方面，第2周嘅《機智女法醫》微升至23.4點，數字尚算不俗，亦證明劇本質素嘅重要。

而上周播完嘅《飛虎3壯志英雄》埋尾重上21點，全劇平均收視約21.5點，以疫情之下人人留喺屋企嘅狀況計梗係唔算好。

但係留意返，呢個數字已經勝過今年初口碑唔錯嘅《青春不要臉》，甚至贏晒舊年4套台慶劇，而且放諸舊年21.5點收視已經係打入劇集三甲。

一套劇幾時播，可能緊要過拍成點，你睇吓《刑偵日記》……另一個亮點係剛過去周日2套綜藝節目《思家大戰》及新推出嘅TheShowMustGoOn，後者第一集有18.8，相當唔錯。

但係節目口碑麻麻，網民認為環節同《獎門人》大同小異，咁係咪會冇咩後勁？好難講，因為香港觀眾其實好鍾意睇《獎門人》。

而《思家大戰》就站穩陣腳有近20點，諗起半年前嘅一面倒唔睇好，更重要係李思捷可以洗底成功。

反起跑線聯盟而Viu嘅焦點就係劇集《反起跑線聯盟》，上周保持5.1點，今周就係結局，大致應該都係呢個數。

收視之王依然係《恐怖醫學》（5.4點），而一至五新綜藝節目1TAKE過有2.5點。

Viu10點半打後2套綜藝時段，今年似乎得《神的女主角》靠AnsonLo而有好表現，有關方面要留意下。

3月21－27日收視報告︳兩台新劇《機智女法醫》《反起跑線聯盟》成今年開播最高收視劇集上周（3月21－27日）TVB同ViuTV都有新劇出街，向來播內地劇成績普通嘅TVB今期播口碑唔錯嘅《機智女法醫》，而近期播外購劇成績好過自家劇嘅ViuTV就播原創劇《反起跑線聯盟》，結果係點？TVB力sell《機智女法醫》喺內地本來被恥笑「全部演員十八線」，但係靠口碑成為年度十大高評分劇。

呢個策略加埋紮實劇本，嚟到香港首周有23.1點，成為去年至今開播劇集最高收視。

呢種查案劇向來有捧場客，預計其後集數收視都會向上。

至於另一線TVB劇《飛虎3壯志英雄》終於「打破悶局」，不過係掉頭向下，由過去幾周平均約22點跌至近20點，明顯見到「棄劇」潮。

上周大台仲有綜藝節目《講你都唔信》同《芬蘭潮什麼》新登場，不過真係「講你都唔信」，掌門人曾志偉總經理領軍嘅《講》收視14.5點，比《芬》少半點，對比上周肥媽嘅飲食節目更見高下。

另外TVB眼見周六晚播舊戲有市場，將會一連七周推出多套港產片，上周播嘅《賭俠大戰拉斯維加斯》有17.5點，算3不過不失。

反起跑線聯盟而Viu嘅《反起跑線聯盟》亦有亮麗成績，首周有5.1點，力壓王牌《恐怖醫學》成為全周節目收視之冠，劇集要有呢個數字已經係上年嘅《大叔的愛》，算係為自家劇爭一口氣，亦為ViuTV創作團隊開啟新方向－唔駛吓吓都扭橋或者出MIRROR，都可以有好收視。

3月14－20日收視報告︳兩台劇集大結局《家族榮耀》創1年半新高《940920》低收上星期（3月14－20日）收視焦點係2間電視台各有劇集大結局，到底成績如何？家族榮耀TVB嘅《家族榮耀》越播越有，結局周平均收26.3點，上周五大結局收27.4點順理成章係全劇最高，全劇收視平均24.7點亦係大台18個月以來成績最好嘅劇集。

經歷多套劇集喺20點左右苦苦掙扎嘅時間，TVB劇終於上返過往收視水平，對上一套直播成績彪炳嘅已經係《反黑路人甲》。

《家族榮耀》亦超越埋上年收視之冠《逆天奇案》，相信隨住防疫措施放寬，市民可以外出晚膳，今年其他劇集要挑戰《家》確有難度。

另一套劇集《飛虎3壯志英雄》保持近22點收視，之後應該都係呢個水平。

而一至五十點半由肥媽陸浩全面進場，《煮．野食》及《全民居家煮嘢食》平均有15.8點，以呢個時段計算係唔錯，亦見到當日「限廚令」幾咁無謂。

因為《聲夢傳奇》嘅口碑，《聲夢JUNIOR》本來有望複製成績，但礙於參加者水平未見突出，收視連續2周喺13點樓下。

940920輪到ViuTV，十集自家劇《940920》結局周比上周微跌有3.8點，以Viu製作嚟計唔算太好，可能同觀眾評價麻麻有關。

本周播嘅《反起跑線聯盟》未知成績，但製作特輯都有3.3點成為周六最高，似乎劇集出街後成績會有驚喜。

3月7－13日收視報告︳TVB收視稍跌《940920》力保Viu自家劇收視水平繼續係留家抗疫時期，上星期（3月7－13日）TVB節目收視卻出現下跌，一至日嘅《愛．回家之開心速遞》、一至五10點半綜藝《煮野食》、《學是疫學非》都比前周跌1－3個收視點不等。

第2集嘅《聲夢JUNIOR》比較大鑊，比3周前播出嘅第1集下跌近4點至12.9點，可能同參加者表現有關。

聲夢Junior王牌節目《東張西望》星期六嘅收視都比前周少3點，但一至五只跌半點，周日更微升，稱為TVB最有價值節目都真係當之無愧。

收視未跌過嘅外購劇《家族榮耀》終於有「回吐」，上周收25.3點，但相信唔影響劇集成為（暫時）年度之冠。

另一線劇《飛虎3壯志英雄》企穩21.8點，不跌就是贏。

940920Viu上周焦點應該係新劇《940920》，首周有4點，算係保持Viu自家劇嘅水平。

上一套Viu出品《IT狗》首周有4.1點，但《IT狗》有MIRROR成員Lokman(楊樂文）、Frankie（陳瑞輝）及Stanley（邱士縉）孭飛，向來有鏡仔出場嘅節目都會多人睇；《940920》冇MIRROR效應，劇情同前作《2月29》有連繫，冇睇未必知脈絡，有4點算係合格有餘。

另一個新節目《打開你雪櫃》有2.9點，總算挽回《聲控鬥室》嘅頹勢。

呢期外購節目依然係ViuTVMVP，《恐怖醫學》5.3點成為全周冠軍，韓劇《女神降臨》有4.3點，仲好過《940920》。

之後Viu仲有2套自家劇緊接《940920》出街，仲要2套都冇MIRROR成員主演，會唔會保得住Viu嘅3點基本收視？2月28日－3月6日︳TVB多個節目衝破25點《家族榮耀》繼續升結局上望30點？疫情依然嚴峻，上周（2月28日－3月6日）收視報告繼續反映TVB受惠於市民留家抗疫嘅新生活常態。

黃金時段多個節目收視都衝破25點呢個近年少有達到嘅指標。

星期一至五《東張西望》、《愛．回家之開心速遞》到《家族榮耀》呢2個鐘頭播放時間，3個節目平均分別有27.6、27及25.6點收視。

平時收視較低嘅星期六晚，《東張》同《愛．回家》甚至有28點左右，十分誇張。

家族榮耀《家族榮耀》由開播以來收視逐級上，現時整體平均有24.1點。

去年最高收視嘅《逆天奇案》，由於播出時撞正TVB改變收視計法，由跨平台收視改為公布直播收視，數字難以比較，但睇返《逆》最後3周平均都係24點左右，可見《家族榮耀》未入戲肉已經取得優異成績。

加上疫情未來2周恐怕唔會即時降溫，繼續留家抗疫嘅觀眾依然唔少，大結局上望30點絕對有機會。

至於另一套劇《飛虎3壯志英雄》卻不升反跌，下滑0.6點至21.8點，似乎後續收視都會介乎22、23點左右，難有突破。

而星期四、五晚新推出嘅《學是疫學非》食正抗疫同《學是學非》2個煞食元素，首周有16.4點，應該係近半年來呢個時段嘅綜藝節目之中最標青嘅收視。

而Viu繼續靠外購節目頂住，兩套韓劇《女神降臨》同《ThePenthouse上流戰爭》都有超過4點收視，星期日《恐怖醫學》更有5.9點，呢個係Viu直播大show先有嘅數字！上周慘到唔夠2點嘅《聲控鬥室》由於有Mirror成員Tiger、Alton同Error嘅阿Dee做嘉賓，終於彈返上2.3點，再次見證MIRROR嘅吸力！2月21－27日︳疫情下《東張西望》再破紀錄Viu再靠MIRROR食糊東張西望上周（2月21－27日）三台收視繼續受疫情因素左右，個案日破萬宗令唔少人都留家抗疫。

之前都講過，呢段時間電視收視真正得益嘅只有TVB，因為本身年長觀眾群夠多。

《東張西望》呢類軟性資訊節目最啱俾關心疫情嘅市民收睇﹐之前已經漸見升勢，上個禮拜一至六平均再上到27點樓上，周日更衝破28點，係2019年3月開拓埋周末時段以來最高。

拍住上嘅《《愛．回家之開心速遞》都不遑多讓，一至五有27.4點，周末都有25點以上。

TVB近期收視好轉亦同節目排陣有關，大台拿手嘅豪門恩怨劇《家族榮耀》再升至24.6點，完全唔受網上平台一早播晒全劇嘅因素影響，照走勢睇好大機會打入今年收視三甲，TVB亦可以考慮再斬四兩。

另一套合拍劇《飛虎3壯志英雄》開播有22.4點，對比舊年唔少劇集首周20點左右嘅成績算係標青。

周日綜藝方面，首播嘅《聲夢JUNIOR》有16.8點，舊年嘅《聲夢傳奇》喺例牌收視較低嘅星期六晚播出，大部份時間都係17點左右，但呢類歌唱選秀節目多數要去到中後段先至入戲肉，收視同人氣亦會上升，可以期待。

爆谷一周ViuTV母公司電盈上周出業績，焦點係受MIRROR大紅效益之下，ViuTV及相關業務收入倍升，而今個禮拜Viu節目《爆谷一周》亦係靠MIRROR食糊。

過去幾周節目收視3點左右，上周六一集嘉賓有MIRROR嘅Lokman、Alton同Frankie以及經理人花姐，收視立即彈上4.5點。

不過一無MIRROR，自家製節目當堂失色，一至五2套綜藝《商戰》及《聲控鬥室》收視再跌，分別得2點及1.7點。

《聲控鬥室》由MIRROR同門師弟P1X3L主持，但完全無聲無息，更令人擔心呢隊3人男團未來走向。

而本來接替《商戰》嘅《1Take過》有MIRROR成員Tiger主持，可望帶起收視，但因為疫情而被抽起改播《今日疫情》，恐怕ViuTV要靠MIRROR谷收視都要等一等。

2月14－20日收視報告︳《鐵拳英雄》收個靚尾疫情谷起《東張西望》收視上周（2月14－20日）TVB收視繼續因為防疫措施及疫情下市民在家抗疫而有不俗表現，《家族榮耀》微升至23.3點，而結局周嘅《鐵拳英雄》再升至22.8點，大結局平均收視直情有近26點（最高27.1點），對比開播時嘅20點邊緣，以呢個卡士計算係合格過關。

而《家族榮耀》如果能夠保持喺現有收視水平，就有望成為年度收視前列，打破合拍劇收視麻麻嘅定律。

疫情之下新聞資訊節目自然多人睇，《六點半新聞報導》有17.5點，對比1個月前嘅14.8點大有進步，而《東張西望》周一至六有近26點，星期日晚甚至有近28點，相當難得。

雖則而家娛樂方式眾多，但大台主要客源年長觀眾都係比較忠實嘅「電視粉」，接收疫情資訊自然係睇電視先。

因此可以理解到，主打年青觀眾嘅ViuTV喺呢波疫情下，並無出現大台嘅明顯收視增長。

收視破5嘅《哲仁王后》播完後，接檔嘅韓劇《女神降臨》有4點收視，已經係一至五黃金時段最好。

自家製綜藝節目《商睇》及《聲控鬥室》分別只有2.5及2.4點，守唔住3點慣性收視之餘，亦係少數喺社交平台冇咩討論嘅ViuTV節目。

上周其他自家製節目表現都係麻麻，外購嘅《健康要FactCheck》繼續係鎮台之寶，有4.9點。

去年上半年Viu有好多未出街已經令觀眾期待嘅節目，例如《大叔的愛》、《ERROR自肥企劃》、《調教你MIRROR》等，但今年數極都可能只係有拍起冇耐、冇咁快有得睇嘅劇集《iSwim》，加上部份節目已出現固有格式，新鮮感驟減。

4月Viu台慶會唔會公布更多話題節目等大家餓下？2月7－13日收視報告︳疫情爆發TVB收視再升《家族榮耀》首周創新高早前嘅收視報告分析過，政府防疫措施推出之後，晚市無得堂食令市民夜晚唯有返屋企睇電視，造就TVB嘅收視上升。

呢期疫情爆發仲日日過千宗，條街夜晚冇人行，會唔會令收視又有驚喜？大台收視指標之一係《東張西望》同《愛．回家之開心速遞》，兩個節目上星期（2月7至13日）分別有25.1同26.3點，重返剛剛晚市禁堂食嘅水平。

另一個觀察︰近半年來一至五10點半綜藝節目，收視大約係10－13點左右，但係上周新出街嘅《煮．野食》同《不可能任務》，居然有16.3同15.2點。

家族榮耀而兩線劇集亦有好成績。

電視首播嘅《家族榮耀》有22.9點，2021年以來計算，呢個開播數字係第2高收視，僅次於《逆天奇案》。

而播出以來收視同口碑都普通嘅《鐵拳英雄》，上周有突破反彈至22.4點，係咁多個禮拜以來最好。

星期日表現同樣理想，《東張西望》同《愛．回家之開心速遞》都有25點以上，《青春本我》同《思家大戰》都有起色，後者甚至接近20點。

ViuTV嘅上周收視變動就冇咁大，近期鎮台之寶《哲仁王后》再次有5點以上，接力嘅《女神降臨》都有4.2點，以Viu3點慣性收視計絕對理想。

另一王牌《健康要FactCheck》（星期日）甚至去到5.9點，係Viu嘅現場大show先有呢個數字。

留意返，呢啲都係外購節目！－－－－－－－－－－－1月31日至2月6日︰特別標註《青春不要臉》、《IT狗》內地豆瓣網評分比高低TVB咩玩法？每星期TVB都會發佈3台收視資料，除咗收視數字之外，如有特別紀錄(多數係TVB節目)都會喺文件下方註腳打*提醒傳媒。

今期(1月31日至2月6日)收視報告下方，其中一項打星嘅，就係提到「《青春不要臉》內地豆瓣評分7.8分，佔一周華語口碑劇集榜第8位」。

豆瓣網係內地影視文化產品評分平台，分數由內地網友點評，呢項資料都係首次喺官方收視報告見到。

最妙係同一份報告入面，提供埋ViuTV劇《IT狗》豆瓣評分係5.9呢項資料。

收視報告︳加《青春不要臉》、《IT狗》內地豆瓣網評分TVB咩玩法？收視報告︳加《青春不要臉》、《IT狗》內地豆瓣網評分TVB咩玩法？收視報告︳加《青春不要臉》、《IT狗》內地豆瓣網評分TVB咩玩法？咁不如我地又睇吓近期TVB劇嘅豆瓣評分︰《青春本我》有6.4分、《家族榮耀》有5.7分，稍遜於《IT狗》。

至於收埋倉底多時嘅《鐵拳英雄》暫時未有評分。

收視報告︳加《青春不要臉》、《IT狗》內地豆瓣網評分TVB咩玩法？翻查資料，原來內地多個政府互聯網機關，去年1-11月期間就曾經因為豆瓣內容違規而判罰款合共900萬，豆瓣app上年12月仲被工信部下架。

內地傳媒亦有報導，豆瓣因為fans亂咁評分捧偶像踩對手，一早為人詬病，更出現過內地劇集《風起洛陽》因事延遲一小時播放、但劇評喺原定播劇時間出現嘅「劇未播分已評」情況。

到底TVB之後喺收視報告會唔會再提供豆瓣嘅評分？將香港收視成績同內地網民評價放埋一齊用意何在？睇吓TVB有冇興趣講吓啦。

青春不要臉講返收視，《青春不要臉》上星期一至三收視20.1點，比前周一至五平均21點跌0.9點，而星期六大結局有18.4點。

上星期係農曆新年，跌數唔出奇，《青》播放三周收視逐級跌都可能係呢個原因引致。

前周收視反彈嘅《鐵拳英雄》打回原形收20.4點。

上周TVB亮點反而係星期五嘅冬奧開幕禮，根據備註資料，儀式喺翡翠台及J2直播收視最高有30.1點，都係近年少數過30嘅TVB節目。

IT狗Viu方面，「豆瓣評分5.9」嘅《IT狗》結局周成為全台最高收視節目，有4.8點，係劇集播放以來最高，而上次介紹過嘅韓劇《哲仁皇后》稍跌至4.7點。

由七師傅主持嘅《七福星》反應唔錯，第2周仍然有4.4點。

1月17－23日收視報告︳晚市禁堂食效應減弱TVB收視報跌Viu外購劇多人睇過《IT狗》？上次收視報告分析過，黃金時段三台收視上升，原因可能係食肆禁晚市堂食嘅防疫措施，令唔少人留喺屋企，於是多咗人睇電視。

上周情況又點？前周收視明顯上升嘅TVB，今次報告所見數字有所回落。

一至五嘅《東張西望》同《愛．回家之開心速遞》分別由24.5及26點下跌至24.1及24.8點。

十點半綜藝《新春開運王》由14.3微跌至13.5點。

星期日嘅《青春本我》同《思家大戰》都同樣錄得跌勢，咁多個黃金時段節目之中，只有《星期日檔案》、《識貨2》同埋周末電影《賭城風雲III》有升幅。

劇集方面，第二周嘅《鐵拳英雄》比前周微跌半點險守20點邊緣，以陳展鵬唐詩詠掛帥嘅卡士來講都幾跌眼鏡，亦間接證明套劇收埋咁耐可能真係同質素有關。

新劇《青春不要臉》有21.1點，比《異搜店》大結局流失28萬觀眾，但對比返同樣係新一代藝員何廣沛搭陳曉華嘅《異搜店》開播都係19點，《青春不要臉》算係有交代有凸。

青春不要臉哲仁王后反觀ViuTV收視無太大分別，當然可能同觀眾人數較少有關。

最值得討論嘅係外購韓劇《哲仁王后》，播放4星期以來收視捷捷上升，由開播嘅3點升至最新嘅4.7點，成為全周最高收視節目，連自家劇《IT狗》（4.6點）都屈居其後。

《哲》係改編自內地網劇《太子妃升職記》，喺韓國播放時收視都係逐步爬上冠軍位置。

對於較少資源做製作嘅Viu嚟講，呢套劇嘅成績絕對有參考作用，亦可以考慮買埋越來越多人追嘅泰劇，甚至係灑狗血到不能嘅台灣鄉土劇！1月10－16日收視報告︳晚市禁堂食效應？TVB兩線劇見佳蹟《異搜店》大結局創1年半新高上次提到因為政府嘅防疫限制措施禁止食肆晚上6點後供應堂食，政策生效後嘅首個周末三間電視台收視都錄得上升，估計係少咗人出街食飯令電視觀眾人數上升。

呢次嘅收視報告紀錄「冇晚市」整個星期收視情況，果然三台都受惠。

本身家庭及年長觀眾層面佔優勢嘅TVB，黃金時段普遍節目都有收視升勢。

《愛．回家之開心速遞》星期一至五集數收視由23.7點升到26點（周六周日分別收25.4及25.7點），可以話係重返近年新高。

需知道上月中（12月6－12日）《愛》劇只係收21.4點，相比之下觀眾人數升咗2成有多！而放於「炮灰檔」嘅《異搜店》同樣有驚喜，結局周收視25.5點，將全劇平均收視一下子扯高到22.3點。

根據官方資料，以過去12個月嘅劇集計，《異搜店》排喺第3位，只係輸俾《逆天奇案》同《寶寶大過天》，喺新人＋假期兩大因素下做出好成績，外在因素功不可沒。

值得一提係《異》大結局跨平台直播收視有28點，簡直係台慶頒獎禮水平，亦係近18個月單集收視之冠。

而收埋2年幾嘅《鐵拳英雄》，首周收20.9點，睇落唔錯但以呢個時機同卡士計，應該可以更好。

TVB提供嘅資料指出，《鐵拳英雄》跨平台直播收視有21.7點，係12個月以來9點半劇計排第2。

ViuTV收視同樣有上升，上周反應麻麻嘅綜藝《玩埋我嗰份》同《演員．門》彈返上慣性收視3點水平，《玩》更加去到3.7。

原創劇《IT狗》網民反應唔錯，加埋有MIRROR三子Frankie、Lokman及Stanley撐場，首周有4.1點，相信仲有得升。

韓劇《哲仁皇后》穩步上揚，亦都有4.1點收視，有點意外。

按此下載全新YahooAPP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！YAHOO著數·1天前【OK便利店】店長推介優惠（29/09-12/10）OK便利店新一輪店長推介優惠，精選多款零食、飲品抵價就買到！星島日報·1天前建造業意外率「稱冠」申訴署主動調查審研3部門對職安健監管【星島日報報道】申訴專員趙慧賢今日（29日）宣布展開主動調查，審研政府對建造業職業安全及健康（職安健）的監管。

...Yahoo香港·22小時前記協主席陳朗昇今離港赴英稱六個月後返港冀續報道事實真相香港記者協會主席，網媒ChannelC副採訪主任陳朗昇，日前在社交平台公布，將離港赴英國牛津大學路透研究所參加學人計劃，定於今（29日）傍晚上機。

他在機場見記者時，形容心情悲喜交集，但強調六個月後返港，冀將世界各地優秀新聞工作者經驗帶回來，「讓我們可以好好面對將來複雜多變的香港環境，我們始終是香港的記者，仍是要留在香港，繼續報道真相、事實。

」Engadget中文版·2天前Amazon為居家和辦公環境擴展Astro機器人的功能AmazonAmazon是在去年的時候，推出了要價US$1,500的家庭監控機器人兼移動式Alexa的Astro。

它除了可以隨時隨地提供Alexa服務外，另一邊也能在家中巡邏，在發生異常時，第一時間用搭載的相機拍下，並向你發去通知。

而今天Amazon發表了新一代的Astro，主要的功能是能辨識家中的貓狗。

這個功能會在Astro「巡邏」時啟用，當它在途中碰上寵物時，它便會拍下一段短片，並透過LiveView分享。

Amazon認為這將能讓你和寵物間能保持「連線」，也讓你對寵物在家的情況能放心。

此外，Astro還多了一個可以注意週遭環境的AI功能。

舉例來說，你可以讓Astro看向一扇門，然後對它說「這個門應該是關著的」。

Astro能聽懂語句，並與看到的門關聯，如此一來它下次巡邏時便會特別注意門的狀態。

如果門不是關著的話，Astro就會拍下一張照片，並且傳送訊息給你，等待下一步指示了。

這個功能更適合平時環境變化很小的地方，像是辦公室了。

此外，Amazon也將為Astro推出新的SDK，讓你可以自已為它加入新功能。

不過Amazon將會先MarieClaire·1天前【32周年專訪】譚旻萱MandyTam：甜美惡女外表甜美的Mandy性格爽朗直接，隨著知名度提高，她的這份反差萌已經不是甚麼大秘密，只是沒想到才21歲的她在談到對32歲的期許時，會希望自己成為一位惡女。

然而惡女的參考對象，竟是迪士尼中的反派角色，似乎⋯⋯也沒有很惡？[captionid="attachment_156017"align="aligncenter"width="2048"]駝色羊毛上衣花呢連身裙BothfromLouisVuittonTiffanyHardWear18K玫瑰金密鑲鑽石扣環耳環TiffanyKnot18K玫瑰金鑲鑽石戒指TiffanyKnot18K玫瑰金雙排戒指TiffanyT118K玫瑰金戒指TiffanyT118K玫瑰金鑲鑽石戒指TiffanyHardWear18K黃金扣環手鏈TiffanyHardWear18K玫瑰金環繞項鏈AllfromTiffany&Co.[/caption]你對32歲的自己有怎樣的想像？我期望自己是個比現在更惡的「惡女」！準確來說，是想要成為一位給人高冷感覺的女性。

我想走演戲路線，到時應該也歷練多了，所以希望YahooFood·1天前跑馬地隱世富豪中菜飯堂壹玖捌叁英國回流大廚超豪盛宴/必食$680超滑煙燻豉油雞銅鑼灣跑馬地佔地雖然不大，但眾所周知是香港富豪區之一，因此就連餐廳也非同凡響。

近日開業十年的中菜廳壹玖捌叁就請來了，曾擔任富豪私廚長達廿年的ChefSilasLi出山，隨即就令餐廳變成新一代富豪飯堂，想知道與平日的中菜有何分別？嚐嚐那價值$680的煙燻豉油雞就知道了。

YAHOO著數·1天前【7-11】7仔地道早餐券買3送1（即日起至25/10）7-Eleven推出早餐券優惠，由即日起至10月25日，於指定分店買3張7仔地道早餐券，即送你多1張，每張早餐券可以換領早餐A/早餐B一份(原價$26/份)，折後平均每份早餐只需$19.5！am730·19小時前馮允謙預告明年開紅館個唱女友來港傾婚事有壓力馮允謙(JayFung)與ANSONBEAN（陳毅燊）到銅鑼灣出席活動。

JayFung透露女友日前趁「0+3」來港探他，此行將會逗留兩星期。

他表示女友難得來港，自己卻因有工作在身未能有太多時間陪伴，女友因而有少少詐型。

Jay透露公司已入紙為他申請紅館檔期，盼明年能成事。

Jay曾表示與女友結婚，但因為疫情而YAHOO著數·2小時前【惠康】搶鮮震撼價（30/09-06/10）惠康今期搶鮮震撼價推介包括無花果、波子提子、牛油果，仲有虎蝦肉、無骨豬扒/豬梅頭扒，多款至鮮蔬果同食材等緊你選購！on.cc東網·2天前相信遊客未來仍會訪港　港府稱稍後考慮放寬黃碼限制【on.cc東網專訊】港府相信遊客於防疫措施鬆綁後會來港旅遊，文化體育及旅遊局局長楊潤雄今日(28日)出席海洋公園活動後表示，在「0+3」檢疫安排下，外地來港人數增加，正檢視「0+3」防疫措施對旅遊業的影響，相信經濟及旅遊業會慢慢復甦，但至於會否取消抵港人士「黃on.cc東網·18小時前跨部門打擊全港非法油站　檢7.5萬公升柴油市值150萬跨部門打擊全港非法油站　檢7.5萬公升柴油市值150萬on.cc東網·1天前海關上水拘15歲輟學男生　揭茶葉包裝藏670萬元冰毒【on.cc東網專訊】海關人員昨午(28日)在上水一帶進行反毒品行動，期間於一個屋苑外截查一名手持行李箱的可疑男子。

關員打開行李箱檢查，發現裝有11包印有茶葉包裝的錫紙袋，繼而揭發每個錫紙袋均藏有經真空處理的懷疑冰毒，相關毒品總重達11公斤，估計市值約670萬港Engadget中文版·21小時前Google加快搜尋結果出現速度，並強化深入搜索題材的能力GoogleGoogle雖然說服務愈做愈多，但搜尋終究才是整個帝國的核心，而Google也不會忘記偶爾為其增加一些功能的。

首先，Google將會繼續加快搜尋結果出現的速度，當你開始在搜尋框打字時，Google不光會開始用自動完成來猜你想搜尋的內容，而是甚至會開始顯示自動完成後的搜尋結果，以及相關的主題和分類。

這對於一些有兩個常用意思的字句（例如「蘋果」）來說，應該能讓你更直覺、快速地選出你要的搜尋內容。

當你找到搜尋內容時，Google搜尋現在會提供縮窄搜尋內容的能力。

這有點像現有的建議搜尋，但你可以任意增減額外的字詞，來在搜尋結果間「放大縮小視野」。

Google也會嘗試在合適的搜尋字詞中排入更加多樣的搜尋結果內容，像是短文、短影片之類的。

Google另外，Google也將加強由Reddit和其他論壇上尋找內容的能力，在特定搜尋字詞上會加入一個新模組專門來顯示這些論壇內容。

目前還不清楚Google如何認定這個「特定字詞」，但由Google的解釋聽起來，應該是當「搜尋結果能得益於眾人的意見」時。

GoogleGoogle並且將會加入一個新的「新聞自動翻譯」功能，now.com新聞·20小時前【9月29日疫情速報】(20:00)【Now新聞台】9月29日新型冠狀病毒疫情速報：最新：(2000)醫管局：要求探病人士提供48小時內核酸陰性是顧及病人情況。

周五起增設四個新冠疫苗接種站，楊何蓓茵：會設置同類型接種站。

酒店業有意提供逆向隔離地點，梁子超：可能性微乎其微。

內地新增632宗新冠本土個案，廣東佔23宗；內地防疫部門呼籲民眾國慶假期就地過節。

台灣10月13日起放寬入境檢疫措施實施「0+7」，免居家檢疫，改為採取7天自主防疫。

【注意】指定醫療處所的「疫苗通行證」安排【注意】「疫苗通行證」第三階段須知【附連結】新冠康復紀錄二維碼下載安排【附連結】65個地方納入強制檢測公告(9月28日)【附名單】多區污水檢測陽性政府將向相關人士派發快速測試包(9月29日)社區檢測中心預約系統各區流動採樣站內地、港澳台及各國最新確診數字有用連結：【患者須知、快速檢測與居安抗疫計劃】快速抗原測試陽性結果人士申報系統衞生防護中心2019冠狀病毒病病人網上申報表格(只供申報核酸檢測陽性個案)消委會快速抗原測試(RAT)包認可名單搜尋器消防處設聯絡方法讓輕症確診者聯絡處方安排送往社區隔離設施聯絡方法：（1）電郵：[email protected]東網·2天前海關首檢走私六合彩彩票案　核對後600張中獎彩金7萬海關首檢走私六合彩彩票案　核對後600張中獎彩金7萬今日新聞娛樂·2天前金鋼狼回鍋死侍3？休傑克曼親回2字漫威宇宙系列電影《死侍3》睽違已久，終於有了好消息，由飾演主角的演員萊恩雷諾斯，先在個人平台上宣布，即將在2024年和大家見面，但更令人振奮的是，飾演「金鋼狼」的休傑克曼驚喜現身，並確定回歸的消息，立...Engadget中文版·1天前Razer預告推出Edge5G手提遊戲機，10月15日正式登場Razer正在美國拉斯維加斯舉行的MobileWorldCongressLasVegas，當地電商巨擘Verizon和Razer在台上共同宣佈會推出一款名為RazerEdge5G的手提遊戲主機，目前已經透露了會使用Qualcomm平台，包括SnapdragonG3xGen1晶片（AdrenoGPU+144fps刷新率顯示+10-bitHDR）、FastConnect6900Wi-Fi6E模組。

是說，去年年底高通跟Razer就釋出了一款G3x晶片的開發者套件，但當時僅配搭了120Hz6.65吋OLED螢幕，但有四向喇叭和內建手把，那正式版的RazerEdge5G似乎也會靠近這樣的配置吧。

據Verizon的說法，Edge5G除了能透過5G和Wi-Fi串流遊玩，也是可以本機離線使用的。

剛好市場上也開始多了此類的遊戲機產品，像是Valve的SteamDeck和Logitech的GCloudGamingHandheld，所以Razer做為遊戲週邊大廠會跟進過來也不叫人on.cc東網·22小時前港陸路口岸昨3765次快測　1跨境司機結果不確定【on.cc東網專訊】第5波新冠肺炎疫情持續，為減低疫情外溢的風險及提高檢測的準確性，本港各陸路口岸安排專人為跨境貨車司機進行快速核酸檢測。

運輸及物流局今日(29日)表示，昨日(28日)共進行了3,765次快速核酸檢測，當中發現1宗不確定個案，運輸署已通知衞生署am730·2天前陳慧嫻加盟《我們的歌4》狀態大勇容祖兒Twins李克勤拍片撐場陳慧嫻早前宣布加盟大陸綜藝節目《中國夢之聲•我們的歌》第四季，這季節目以盲選歌曲形式進行首輪配對演唱，慧嫻選了好友李克勤的經典作品《飛花》，與歌手安又琪首次合作，默契非常，慧嫻以溫暖的聲音唱出經典的韻味格調。

網友表示：「很久沒有聽陳慧嫻唱歌了，沒想到一開口還是熟悉的味道。

」、「陳慧嫻狀態保持得這樣好，一首歌就馬上吸引樂she.com·2小時前MIRROR復工在即！預計11月推出新團歌姜濤率先赴巴黎開工12子全面復出拍劇【MIRROR復工】人氣男團MIRROR自早前紅館演唱會發生嚴重意外後，12子隨即停工休息，而事隔兩個月，有指[…]更多報導1.朱智賢容貌再升級網民認為親生父母都認唔出曾回應變樣疑雲2.廖創興後人救豪華瞄準西餅市場真空期3.4.36億年前的魚與人類枕骨有關中國科學家發現「魚變人」新證據4.入境檢疫多蝦碌「0+3」畫蛇添足5.南亞漢欠債被挾持往飛鵝山　伺機開車門撞消防車求救　警拘8同鄉近半少數族裔外賣送遞員遭歧視　團體促政府透過平機會評估情況on.cc東網消費券2022｜陳茂波冀市民明領第二期後開心消費拉動經濟星島日報違反法例｜美再制裁中港企業涉助伊朗出口石油疑施壓恢復核子協議BossMind社交距離措施放寬　下周四起食肆准12人一枱　宴會增至240人on.cc東網防護盾牌｜德擬推1.5萬億救助應對能源價格大升強調做法與英國不同BossMindIU耳咽管關不上聽不清自己的聲音am7305歲「針卡」今實施　餐飲業稱影響仍需觀察　料十一宴會「清零」on.cc東網內地奀星爆TVB中年演員集體失業拎廖啟智做小販劇照當例子Yahoo娛樂圈裸買店倡環保養寵　售可降解便便袋　寵物食品按量收費「每樣試少少」免浪費Yahoo新聞狂摑小孩童樂居女職員押後判東方日報OrientalDaily醫務衞生局回應涉濫發「免針紙」跟進安排香港電台-港聞南亞漢欠債被挾持往飛鵝山　伺機開車門撞消防車求救　警拘8同鄉on.cc東網韓明解除所有入境檢疫措施　旅客抵境後不需驗新冠on.cc東網喵坊稱延長寬限期半年　實在難以作妥善後續安排香港電台-港聞第三季推3住宅地涉2500伙甯漢豪：不因樓市氣氛疲弱減慢推地am730✭健康無價✭任何年齡都需要定期做身體檢查！立即搜尋身體檢查雅虎搜尋烏克蘭戰爭：俄羅斯在四大佔領區舉行公投後會發生什麼BBCNews中文入境檢疫多蝦碌「0+3」畫蛇添足東方日報OrientalDaily【🔍保濕面霜】加緊為肌膚補水！推介特效面霜！雅虎搜尋谷針出事苦了幼兒楊何蓓茵死撐康復機會高東方日報OrientalDaily爭取輪候公院服務前早治療新生會助患者睇私家精神科am730中共二十大：觀察人事布局的五大熱點問題BBCNews中文車Cam直擊：電單車葵涌道撼私家車　鐵騎士險被保母車輾過on.cc東網【🔍加按】任何類型物業都可加按　多種回贈優惠選擇！雅虎搜尋4.36億年前的魚與人類枕骨有關中國科學家發現「魚變人」新證據am730台灣下月13日改「0+7」免隔離東方日報OrientalDaily吳卓羲內地掘金Po沙漠相懶神秘菊梓喬被爆北上慰仔東方日報OrientalDailySoChing大歎：我哋無其他選擇星島日報澤連斯基重申將恢復領土完整　拜登斥俄國違聯合國憲章香港電台-國際普京稱局勢不穩風險上升　指責西方企圖實行獨裁政策香港電台-國際檢討委員會提兒童住宿服務31建議倡太平紳士突訪社署年巡6次am730「疫苗通」要求今收緊議員質疑違立法原意am730出入口疲弱商會：「0+0」救市良藥東方日報OrientalDaily措施象徵式鬆綁無外地旅行團來港東方日報OrientalDaily【🔍買股票】股票市場瞬息萬變，專業人士與你分享心得！雅虎搜尋逾200領袖出席11月國際投資峰會余偉文：放寬入境助成功舉行am730獨家消息：人肉追蹤出征寧波北京「鴨王」何浩文爆劈腿疑雲酒店房密會蔡潔東方日報OrientalDaily容祖兒入行23年食「麥克風」贈興東方日報OrientalDaily護童院舍虐兒不休社署倡31招堵漏東方日報OrientalDaily增4疫苗接種站分布港九新界東方日報OrientalDaily勁過東京！大阪成為十大熱門外遊目的地榜首出境航班搜尋量飆升11倍！Yahoo旅遊馬會推個人化計劃助長新冠患者復康東方日報OrientalDaily昂山素姬被裁定違反國家機密法　累計刑期增至23年香港電台-國際聯合國秘書長稱任何吞併烏克蘭地區的決定都應受譴責香港電台-國際26公院解禁非緊急病房家屬可每日探訪東方日報OrientalDaily德國官員籲民眾節約能源　否則難以避免冬季天然氣短缺香港電台-國際竇靖童巴黎晒型格DeepV星島日報《聲夢2》決賽趙紫諾擬用獎金勁食炸雞黃洛妍遭「樂壇燈神」加持未懼魔咒星島日報房委會延非住宅租戶租金寬減東方日報OrientalDaily港產王妃文雅麗兒不再是王子丹麥女王突撤4孫頭銜am730