Huawei Mate 10 Pro 手機優點缺點、用家心得分享 - DCFever

缺點: 冇3.5mm 錫住用邊框都係有少花. Super charge 火牛難買 ... 總括而言，這部Mate 10 Pro 雖不是甚麼驚世創作，但論整體性能表現，也屬旗艦質素，價錢不便宜但也 ... 首頁 二手市集 作品發表 [email protected]購物 攝影圈 Fever達人 FeverModels 討論區 攝影旅遊 新聞中心 相機及鏡頭 手機頻道 汽車熱話 登出 HuaweiMate10Pro 手機 私訊 會員 登入 二手買賣助理會員登記忘記密碼忘記會員名稱 手機資料館 平板資料館 測試報告 用家心得 瀏覽紀錄 瀏覽紀錄 HuaweiMate10Pro 發表用家心得 首頁 手機平板 手耭資料館 Huawei HuaweiMate10Pro (20個用家心得) 手機概要 詳細規格 用家心得(20) 二手市場(8) 相關報導(13) 你使用過此產品?立即發表用家心得 排序： 最新發表 | 最佳心得 | 最高評價 | 最低評價 顯示：1-6 (最新發表) 機靚聲靚影相靚patjoy84 (4個心得)於2019-05-2209:07:58推薦此產品(使用了7個月)優點:手感好 Oledmon靚，屏佔高 影相靚，leica風格+1.6f 雙喇叭 聽歌靚聲，有hires 電量勁，差電快 速度快，同2019d機冇咩分別 藍色機背好靚，個相靚過p20缺點:冇3.5mm 錫住用邊框都係有少花 Supercharge火牛難買意見:華為出新機幾有誠意，各方面都幾好，只係新機有d貴，二手價跌得快。

部機真係幾耐好，一d問題都冇出現過，冇hang過機，如果唔係冇wideangle我唔换機25 你認為此心得對你有幫助嗎？   非常滿意xieling1981 (2個心得)於2019-02-0704:00:58推薦此產品(使用了1個月)優點:本人預備中階機的價位購買手機(9-1-2019），見到這部機接近一般中價機水平(細鋪價）,經考慮後決定購買使用。

用落去電池續航力絕對理想，顯示屏顏色鮮豔比一般中階機做得更好。

影相質素畀現時所有中階機更理想。

(因本人工作需要時常拍照存檔）手感做工去到旗艦機種級數。

缺點:沒有耳機3.5mm插頭意見:在這個價錢本來預算買中階機，最後睇到這部機細鋪價錢心思思買嚟一用。

畀到超越中階機的享受！最後更新：2019-02-0718:25:3330 你認為此心得對你有幫助嗎？   平靚正之選bbqiller (1個心得)於2018-11-1415:06:03推薦此產品(使用了3個月)優點:順，無lag 電勁 拍照一流 送埋貼同清水套，方便缺點:無插卡 無3.5mm意見:我喺美國亞馬遜買嘅。

當時好平，為起港紙3000頭，但因為係美版機所以只係單sim，但對我嚟講冇乜所謂。

CPU-Kirin970夠晒我用，再加6Gram,perfect 電－從未需要帶尿袋。

我唔打機嘅，通常睡前上下網，晚上唔叉電的。

每日朝頭早起身叉電，因有快叉，換好衫出街半小時內叉到50％，除非早一晚真係唔夠50%，否則一般都差爆先出門口。

相機－正到爆。

隨手一拍已經好好。

屏幕－色水好靚 指紋－快，準 其他－單卡也可開另一login，安全好多。

兩個指紋開兩個login，超安全 無插卡加3.5mm要扣分 老婆九千幾出左部note9，真心除左支筆，3.5mm同應該打機勁d外，完全唔覺有乜比不上，個人仲prefer華為個介面。

差成六千，我覺得買部notebook好過。

最後更新：2018-11-1415:14:4546 你認為此心得對你有幫助嗎？   國產機能賣五千以上當然不會是魚目混珠，但不會是小米那種大件夾抵食。

gongsin (6個心得)於2018-08-2322:17:54推薦此產品(使用了1個月)優點:造工細致，絕無山寨機感覺，對得住個價錢。

OLED屏幕色彩對比和飽和度都很好。

黑白相真的無話可說，頂班。

續航力非常好，足夠一天用有突。

指紋解鎖真快，人面辨析雖然偶有失手但也好用。

缺點:彩色相雖然不差，但個人覺得味精重，我之前用HTCU11感覺顏色自然些。

還是有些內置軟件不能停用或删除，不過數量不多，比其它牌子機已算好，但未及原生Android。

意見:在豐X買的$55XX，主要是貪可以免息分期，送的禮品只是例牌，細舖現金價可以五千樓下，應該會覺得更抵。

之前用HTCU11，但入水後死機起唔返(雖然話IP67防水)，想轉U12+但價錢過六字放棄，見呢部評價都幾好，規格也算新，小米我有兩部都用得OK，有諗過小米8，但當時冇現貨要訂機，所以最後買咗藍色Mate10Pro(6GB/128GB)。

部機造工真係很好，比U11感覺更高檔，不過沒有U11果種藍色咁搶眼。

屏幕表現比2K的U11感覺還出色，顏色厚實銳利，在太陽下更看得清楚。

至於系統操作暢順情度，也屬高水平，但麒麟970仍然不及高通835，一般日常操作的確非常出色，唯如果是打機迷的確會有點缺陷，未知華為快將到來的GPUTurbo更新會否改變這一點，不過對於我只是每天玩一下game的人，這缺陷卻未有任何影響。

相機表現屬高水平，操作方式也很直接，黑白相完勝，彩色相就真的看個人喜好，夜拍也在大路水平，基本上手機夜拍除非落腳架改人手操作曝光ISO等，自動模式下效果都是那個水平，難與單反大感光大鏡頭相比。

耗電方面，4000電+Android8.0+華為自行優化，效果絕對不會讓閣下失望。

和友人們一起旅行，從早上八點多醒來開始拍照、拍片、玩微信、傾電話、打遊戲等等，友人們的埃風頻頻要插尿袋，我就一直用到晚上十點多，還剩三十多巴仙，這樣的表現的確是沒幾個對手。

總括而言，這部Mate10Pro雖不是甚麼驚世創作，但論整體性能表現，也屬旗艦質素，價錢不便宜但也不過份，當然如果價錢更大眾化的話，那就完美了。

不過如果閣下但凡大陸機都覺得是山寨，是仇中國貨中國人的話，那這部機絕對不是閣下的茶。

如果閣下願意抱開放態度，價錢可以接受又想試一下國內旗艦手機的話，相信這部機也會有讓你滿意的地方。

85 你認為此心得對你有幫助嗎？   乎合攝影及社交媒禮發燒友aesculapiusmike (4個心得)於2018-08-1513:37:59推薦此產品(使用了3日)優點:為左個LEICA認證買,絕對係對得住LEICA個名. 指紋解鎖出奇地快 UPGRADE後有4秒超級夜景MODE,效果極好.仲加埋面部解鎖,不過未用. 過資料好方便 膽粗粗買左櫻粉金,不錯! 現價買係抵玩.缺點:介面好一般. 冇得加SDCARD 個包裝盒較大,跟機保護套好普通...意見:顏色,銳利度,所有野都係用咁多個牌子以黎最強,本身用過S牌,***牌,L牌,生果既電話,無一部能及....同用緊既無反C,單反機C真係有得揮...個梘機功能仲有得UPGRADE,真係誠意可加. 黑白相既層次,唔係平時MONOTONE調色咁簡單, 用左一陣,已經感受到呢部唔係普通既中國制造手機咁簡單,而係絕對為左改變品牌而誕生既一部相機48 你認為此心得對你有幫助嗎？   差評Demontak (1個心得)於2018-07-1812:59:50不推薦此產品(使用了1個月)優點:可能得影相掛缺點:由mate9開始用起，經歷完閃存事件，mate10pro之前買完一個月內維修五次，整極整唔掂，又lag，apps會自己彈同冇回應，打機會lag,成日未充電打機已經自己發熱，電就更加唔洗講，半日唔夠就冇電，維修就你唔打去問永遠唔知佢已經整好左，一直維修果時叫佢比個交代，最後不了了之，自己潛水，華為唔上市，唔洗理客戶既感想，利害了，我的蟈意見:一加都cp值高過佢，打機用華為，慘過食屎💩，買中有問題既機，盡早賣左去換其他機啦，唔好哂時間啦13 你認為此心得對你有幫助嗎？   1234下一頁