降級(教育) - 維基百科，自由嘅百科全書

降級（又叫降班）係升級嘅相反，係因為某種原因需要讀返比之前年級低嘅年級，通常係移民去其他地方嘅學生，或者升咗級讀咗幾個月之後就調班讀返上個學年嗰個年級。

啲學生升咗級，唔識做嗰啲功課或者做得唔叻，所以佢哋要降級。

不過降級嘅制度喺全世界都極少見。

由於中國大陸同香港嘅教育程度有唔同，特別係英文科，所以香港有六、七成中國大陸新移民嘅學生，喺香港讀書都要降一至兩年級[1]。